کاروار:29؍جنوری(ایس اؤ نیوز) گزشتہ 11مہینوں کی مدت میں اترکنڑا ضلع میں 33،568نئے رائے دہندگان کا فہرست میں اندراج ہوا ہے تو وہیں 19،311ووٹرس کا فہرست سے اخراج بھی ہوا ہے۔اترکنڑا ضلع کی ووٹر لسٹ میں زیادہ نوجوان ووٹر ہیں مگر 149رائے دہندگان 100سال سے زائد عمر والے ہیں ، اس طرح ضلع میں کل 11،60،415ووٹرس ہیں۔
رائے دہندگان فہرست کی تجدیدکاری تکمیل کو پہنچی ہے،کچھ ہی دنوں میں حتمی فہرست کا اعلان ہوگا، اگلے کچھ دنوں میں گرام پنچایت کے انتخابات ہونے ہیں اور اس کے بعد ودھان پریشد کے بھی انتخابات قریب ہیں۔ ایک کے بعد ایک انتخابات ہونے جا رہے ہیں تو ضلع میں کل کتنے رائے دہندگان ہیں اس کی جانکاری حاصل کرنےمیں ہرایک کی دلچسپی کا ہونا فطری بات ہے۔
ذرائع سے ملی اطلاع کے مطابق پچھلے لوک سبھا انتخابات میں جتنی تعداد ووٹرس کی تھی اس میں نئے طورپر 33،568رائے دہندگان شامل ہوئے ہیں جن میں زیادہ تعداد نوجوانوں کی ہے۔ موت، تبادلے وغیرہ سے 19،311افراد کے نام ووٹر لسٹ سے خارج ہوئے ہیں۔ 27جنوری تک ضلع میں کل 5،85،288،خواتین ۔ 5،75،121مرد ووٹرس سمیت 11،60،415ووٹرس ہیں۔ جب کہ یکم مارچ 2019 میں یہ تعداد11،42،748تھی۔
عمر کے مطابق ضلع میں رائے دہندگان کی تعداد : 18سے 19سال کی عمر والے 21،708۔ 20سے 29عمروالے 2،30،926۔ 30سے 39تک کی عمر والے 2،78،422۔ 40سے 49تک کی عمر والے2،37،137۔50سے 59کی عمل والے 1،84،350۔ 60سے 69تک کی عمر والے 1،22،664۔70سے 79تک 61،676۔80سے 89تک 20،215۔ 90 سے 99تک 3،168 اور 100سے زائد عمروالے 149رائے دہندگان فہرست میں شامل ہیں۔