اترکنڑا ضلع میں 2کورونا پوزیٹیو معاملات کی تصدیق : ہلیال میں دوسرا معاملہ
کاروار:8؍جون (ایس اؤ نیوز) اترکنڑاضلع میں اتوار کو 2کورونا وائرس معاملات کی تصدیق ہونے سے متاثرین کی تعداد 94 ہوگئی ہے۔ پ چلا ہے کہ ہلیال اور کاروار میں ایک ایک معاملے پوزیٹیو آئے ہیں۔ جن میں ایک 14سالہ لڑکا ہے تو دوسری 24سالہ ایک عورت ہے۔
قطر سے مہاراشٹرا پہنچے پی 5000نمبروالے شخص سے رابطہ میں آئی کاروار کی ایک عورت اور کیرلا سے ہلیال پہنچے لڑکے میں کورونا پوزیٹیو ہونے کی تصدیق ہوئی ہے۔ بتایا گیا ہے کہ ضلع انتظامیہ نے متاثرین کو پہلے سے ہی کوارنٹائن میں رکھا تھا۔ ضلع میں متاثرین کی تعداد 94 ہونے سے سنچری کے قریب پہنچ گئے ہیں۔ جن میں کنداپور کے دو سمیت 73 لوگ صحت یاب ہوکرگھر لوٹ چکے ہیں تو 23 معاملات کا علاج چل رہاہے۔
کیرلا کے کنیا کماری سے ہلیال پہنچ کر پرائیویٹ ہوٹل میں کوارنٹائن کئے گئے 14سالہ بچے میں کورونا وائرس پوزیٹیو پایاگیا ہے، اس سے قبل 27 مئی کو بھی یہاں ایک نو سال کے لڑکے کی رپورٹ کورونا پوزیٹو آئی تھی جو 6 جون کو صحت یاب ہوکر گھر لوٹ چکا ہے۔ اس طرح ہلیال میں یہ دوسرا کیس سامنے آیا ہے۔
ہلیال کا جو تازہ معاملہ سامنے آیا ہے ،اس میں 14 سالہ لڑکے کی رپورٹ اب کورونا پوزیٹو آئی ہے جس کے متعلق بتایا گیا ہےکہ ہلیال لڑکے کا ننھیال ہے، 3جون کو وہ اپنے بھائی اور والد کے ساتھ ہلیال پہنچا تھا۔ جہاں انہیں کوارنٹائن میں بھیج دیا گیا تھا۔ ضوابط کے مطابق صحت عامہ محکمہ جات کے افسران نے تینوں کے نمونے جانچ کے لئے روانہ کئے تھے سنیچر کی شام کو رپورٹ ملی تھی کہ تین میں سے 14سالہ لڑکے کی کورونا پوزیٹیو ہے۔ اتوار کی ہیلتھ بلٹین میں اس کی تصدیق کی گئی۔