منگلورو :31؍مئی(ایس اؤ نیوز) کوروناوائرس کی وجہ سے نافذ کئے گئے لاک ڈاؤن میں سب سے زیادہ یومیہ مزدور متاثر ہوئے ہیں۔ منگلورو کے 20فی صد لوگ کیرلا ریاست کے کاسرگوڈ میں کام کرتے ہیں تو اتنے ہی کاسرگوڈ کے لوگ منگلورو میں کام کرتےہیں۔ درپیش حالات کے مطابق دونوں طرف لوگ کام سے ہاتھ دھوبیٹھےہیں۔ انہیں کوئی کام نہیں ہے۔

ریاست کے سابق وزیر اور اُلال کے رکن اسمبلی یوٹی قادر نے مزدور وں کے ساتھ برتے جارہے رویہ پر سخت اعتراض جتاتے ہوئے سوال کیا کہ کیا  کام کھونے والے مزدوروں  اور ملازمین کو  ریاستی حکومت کام دلائے گی؟ ۔ اگر کام نہیں دلا سکتی ہے تو پھر انہیں پاس مہیا کرکے زندگی کو سہارادیں۔ اس سلسلے میں انہوں نے رکن پارلیمان اور ارکان اسمبلی اور نگراں کار وزیر سے بھی مطالبہ کیا  کہ وہ مزدوروں کے تعلق سے کام کریں۔