مسجد حرام کی تطہیر کے لیے چھ ماہ میں 1 کروڑ لیٹر سے زیادہ مواد کا استعمال

Source: S.O. News Service | By S O News | Published on 21st January 2021, 5:42 PM | خلیجی خبریں |

ریاض 21/جنوری (آئی این ایس انڈیا)حرمین شریفین کے امور کی جنرل پریذیڈنسی کی جانب سے مسجد حرام اور اس کے صحنوں کی تطہیر اور انہیں معطر بنانے کا سلسلہ چوبیس گھنٹے جاری ہے۔ اس کا مقصد نمازیوں اور معتمرین کی سلامتی کو یقینی بنانا اور کرونا وائرس کو مسجد حرام تک پہنچنے سے روکنا ہے۔ انتظامیہ نے 180 کے قریب ملازمین کو بھرتی کیا ہے۔ یہ افراد مسجد حرام کی تطہیر اور اسے معطر بنانے کا کام انجام دینے والے 4000 سے زیادہ مرد اور خواتین کارکنان کی نگرانی کرتے ہیں۔ یہ کارکنان تین شفٹوں پر تقسیم ہو کر 24 گھنٹے اپنے فرائض انجام دے رہے ہیں۔

اس حوالے سے مسجد حرام میں تطہیر اور قالینوں کے امور کے ڈائریکٹر جابر الودعانی نے بتایا کہ حرمین کے امور کی جنرل پریذیڈنسی نے رواں سال 1442 ہجری کے پہلے چھ ماہ کے دوران مسجد حرام اور اس کے بیرونی صحنوں کی 1800 سے زیادہ مرتبہ دھلائی انجام دی۔ اس دوران (10800000) لیٹر اعلی ترین معیار کا ماحول دوست مواد استعمال کیا گیا۔ اس کے علاوہ 2 لاکھ لیٹر خوشبو دار مواد سے مسجد حرام کو معطر کیا گیا۔ الودعانی کے مطابق مسجد حرام کی تطہیر اور اس میں موجود 2180 قرآن شیلف کی تطہیر اور انہیں چمکانے کا کام باقاعدگی سے انجام دیا جاتا ہے۔ مزید برآں 3800 بیت الخلا کی صفائی اور 1350 ٹن کچرا مسجد حرام سے باہر لے جانے کا بھی بہترین انتظام ہے۔ ان تمام امور کی انجام دہی کے لیے 470 آلات اور مشینیں استعمال میں لائی جاتی ہیں۔

الودعانی کا کہنا ہے کہ یہ تمام خدمات اور کوششیں مسجد حرام اور مسجد نبوی کے امور کے نگرانِ اعلی ڈاکٹر عبدالرحمن بن عبدالعزيز السديس کی ہدایات پر انجام دی جا رہی ہیں۔ اس حوالے سے خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان کی خصوصی توجہ اور سرپرستی حاصل ہے۔

ایک نظر اس پر بھی

مسجد الحرام اور مسجد نبوی میں سماجی فاصلے کی پابندی ختم

سعودی عرب نے ڈیڑھ سال سے زائد عرصے بعدمسجد الحرام اور مسجد نبوی کو 17 اکتوبر یعنی اتوار  سے معمول کے مطابق بغیر کسی پابندی کے کھولنے کا اعلان کردیا۔ کورونا وائرس کی ویکسین کی دونوں خوراک لگوانے والے افراد کو 17 اکتوبر سے مسجدالحرام اور مسجدنبوی میں داخلے کی اجازت ہوگی اور مکمل ...

بھٹکل کمیونٹی جدہ کے نئے عہدیداران کا انتخاب؛ عبدالسلام دامدا ابوپھر ایک بار صدر منتخب، عبدالمعیز جوکاکوبنے جنرل سکریٹری

بھٹکل کمیونٹی جدہ  کی  مجلس انتظامیہ نے آئندہ میعاد کے لئے عبدالسلام دامدا ابو کو پھر ایک بار صدر منتخب کیا ہے جبکہ  عبدالمعیز جوکاکو کو جنرل سکریٹری کے طورپر منتخب کیاہے۔

بھٹکل مسلم اسوسی ایشن ریاض کے لئے عہدیداران کا انتخاب؛ عمار قاضیا صدر اور ذُھیب پیشمام جنرل سکریٹری منتخب

بھٹکل مسلم اسوسی ایشن ریاض (سعودی عربیہ )  کے  لئے  عمار قاضیا صدر اور ذُھیب پیشمام جنرل سکریٹری  کے عہدہ پر منتخب ہوگئے، جبکہ  عقبہ لنکا نائب صدر، ارشاد احمد شیخ  نائب سکریٹری، سید فہد لنکا محاسب و خازن اور  نصیف ائیکری  کو جماعت کے  ترجمان کے طور پر منتخب کیا گیا۔ عہدیداران ...

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...