مشہور امریکی ٹی وی میزبان لیری کنگ کا 87 برس کی عمر میں انتقال

Source: S.O. News Service | Published on 24th January 2021, 8:59 PM | عالمی خبریں |

نیویارک،24جنوری (آئی این ایس انڈیا) امریکہ کے ٹی وی اور ریڈیو کے مشہور میزبان لیری کنگ 87 برس کی عمر میں انتقال کر گئے۔

لیری کنگ نے اپنے چھ دہائیوں پر محیط کیریئر میں امریکی نشریاتی ادارے سی این این کے لیے ہزاروں عالمی رہنماوں، سیاسی قائدین، فن کاروں، متنازع شخصیات اور عام لوگوں کے انٹرویو کیے تھے۔

رپورٹس کے مطابق لیری کنگ رواں ماہ کے آغاز میں کرونا وائرس سے متاثر ہونے کے بعد لاس اینجلس میں ایک اسپتال میں زیرِ علاج رہ چکے تھے۔

وہ کئی برس سے مختلف عوارض میں مبتلا تھے جن میں ذیابیطس کے ساتھ ساتھ 2019 میں فالج کا شدید حملہ بھی شامل تھے۔

ٹوئٹر پر ان کے اکاؤنٹ سے جاری بیان میں کہا گیا کہ وہ لاس اینجلس کے کیڈرز سینائی میڈیکل سینٹر میں زیر علاج تھے۔

امریکی ذرائع ابلاغ کے مطابق ان کا گزشتہ کئی دن سے میڈیکل سینٹر میں علاج جاری تھا۔

ٹوئٹر پر جاری بیان میں ان کی آج صبح موت کی تصدیق کی گئی البتہ بیان میں موت کی وجہ بیان نہیں کی گئی۔

خبر رساں ادرے 'رائٹرز' کے مطابق لیری کنگ کا 1985 سے 2010 تک نشریاتی ادارے سی این این پر چلنے والا مشہور شو 'لیری کنگ لائیو' لاکھوں ناظرین کا پسندیدہ پروگرام تھا جس میں وہ عالمی رہنماؤں، فن کاروں اور دیگر شخصیات کے دلچسپ انداز سے انٹرویو کرتے تھے۔

ٹی وی پر ان کا پروگرام مشہور ترین پروگرامات میں شمار ہوتا تھا جس میں وہ سیاسی مباحثے، حالات حاضرہ پر تبصرے اور ناظرین کی ٹیلی فون کالز شامل کرتے تھے۔

خبر رساں ادارے 'رائٹرز' کے مطابق لیری کینگ نے کم و بیش 50 ہزار کے قریب انٹرویوز کیے تھے۔ انہوں نے اپنے شو میں فلسطین کے رہنما یاسر عرفات سے لے کراردن کے شاہ حسین، اسرائیل کے وزیرِ اعظم اسحاق رابین، بدھ مت کے ماننے والوں کے پیشوا دلائی لامہ، امریکہ اداکارہ الزبتھ ٹیلر، سویت یونین کے وزیر اعظم میخائل گورباچوف سے لے کر امریکہ کے صدر براک اوباما، ٹیکنالوجی کے گرو بل گیٹس اور اداکارہ لیڈی گاگا سب کو مدعو کیا۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...