امریکی وزیر دفاع کا پہلا غیر ملکی رابطہ، نیٹو کے سربراہ سے افغان، عراق امور پر تبادلہ خیال

Source: S.O. News Service | By JD Bhatkali | Published on 23rd January 2021, 6:50 PM | عالمی خبریں | خلیجی خبریں |

دبئی،23جنوری (آئی این ایس انڈیا)امریکا میں نئی انتظامیہ کے وزیر دفاع لائیڈ آسٹن نے نیٹو کے سکریٹری جنرل جینس اسٹولٹن برگ سے عراق اور افغانستان سے متعلق امور پر تبادلہ خیال کیا۔ امریکا میں صدر جو بائیڈن کے اقتدار سنھبالنے کے بعد ان کے وزیر دفاع کا یہ پہلا غیر ملکی رابطہ ہے جس میں انہوں نے دو حساس ممالک کے بارے میں نیٹو کے سربراہ سے بات چیت کی ہے۔

امریکی محکمہ دفاع نے آج ہفتے کے روز ایک بیان میں کہا ہے کہ وزیر دفاع اور نیٹو کے سیکرٹری جنرل نے جمود کی موجودہ صورت حال، خاص طور پر نیٹو کے لیے مضبوط دفاعی پوزیشن برقرار رکھنے اور افغانستان اور عراق میں مشنوں کے تسلسل کے معاملے پر تبادلہ خیال کیا۔

امریکی صدر جو بائیڈن کی انتظامیہ نے جُمعہ کی شام اعلان کیا کہ وہ طالبان کے ساتھ ہونے والے معاہدے پر نظر ثانی کرے گی۔ ان کا کہنا تھا کہ ہم یہ دیکھیں‌ گے کہ آیا تحریک طالبان گذشتہ سال طے پانے والے امن معاہدے کے تحت اپنی ذمہ داریوں کے مطابق تشدد کو کم کرنے کے لیے پرعزم ہے یا نہیں۔

امریکی قومی سلامتی کے مشیر جیک سولوان نے اپنے افغان ہم منصب حمداللہ مھیب کے ساتھ فون پر گفتگو کے دوران مذکورہ معاہدے پر نظر ثانی کے امریکی عزم کے بارے میں آگاہ کیا۔

قابل ذکر ہے کہ دوحا میں طے پانے والے معاہدے کے تحت امریکا نے اعلان کیا تھا کہ وہ مئی 2021 تک اپنی تمام افواج کو افغانستان سے واپس بلا لے گا جبکہ طالبان نے وعدہ کیا تھا کہ وہ پر تشدد کارروائیاں روک دیں گے اور افغان حکومت کے ساتھ تعاون کریں گے۔

گذشتہ فروری میں سابق امریکی صدر ڈونلڈ ٹرمپ کی انتظامیہ نے طالبان کے ساتھ ایک معاہدے پر دستخط کیے تھے جس میں رواں سال مئی تک تمام امریکی افواج کے افغانستان سے انخلا پر اتفاق کیا گیا تھا۔

کابل اور طالبان کے مابین مذاکرات کا آغاز گذشتہ ستمبر میں ہوا تھ حالیہ مہینوں میں ملک کے تمام حصوں خصوصا دارالحکومت کابل میں تشدد کے واقعات کے دوران پولیس اہلکاروں ، صحافیوں، سیاستدانوں اور انسانی حقوق کے کارکنوں کو نشانہ بنانے کے واقعات دیکھنے میں آئے ہیں۔ان میں سے بعض حملوں‌کی ذمہ داری طالبان نے قبول کی ہے۔

ایک نظر اس پر بھی

شامی کرنسی کی قیمت ڈالر کے مقابلے میں 99 فی صد گر گئی

گذشتہ کئی سال سے مسلسل زوال کا شکار شام کی قومی کرنسی لیرہ گذشتہ روز دھڑام سے مزید نیچے جا پہنچی۔ خبر رساں ادارے 'ے ایف پی' کے مطابق گذشتہ روز شامی لیرہ کی امریکی ڈالر کے مقابلے میں قیمت 99 فی صد گر گئی جس کے بعد امریکی ڈالر کی قیمت 4 ہزار لیرہ کے برابر ہو گئی ہے۔

افغانستان میں تین خاتون صحافیوں کا قتل، امریکی سفارتخانے اور افغان میڈیا گروپس کی مذمت

افغان حکام کا کہنا ہے کہ ملک کے مشرقی شہر جلال آباد میں منگل کے روز تین خاتون صحافیوں کو گولیاں مار کے ہلاک کر دیا گیا۔ افغانستان کے شہری علاقوں میں پروفیشنل ورکرز پر حالیہ دنوں میں ہونے والے حملوں کی وجہ سے ملک میں خوف کی فضا قائم ہے۔

سری لنکا : بھارت اور جاپان کو کولمبو بندرگاہ پر ٹرمینل تعمیر کرنے کی اجازت

سری لنکا میں حکومت نے اعلان کیا ہے کہ اس نے بھارت اور جاپان کو اپنی مرکزی بندرگاہ پر کنٹینر ٹرمینل کی تعمیر کی اجازت دے دی ہے۔ اس سے قبل، سری لنکا نے دونوں ملکوں کے ساتھ اسی بندرگاہ پر ٹرمینل بنانے کے سمجھوتے کو 2019 میں ٹریڈ یونینوں اور حزب مخالف کی جانب سے ہفتوں تک جاری رہنے والے ...

امریکا اور سعودی عرب کے عسکری تعلقات میں پیش رفت ہو رہی ہے: پینٹاگان

امریکی وزارت دفاع پینٹاگان نے باور کرایا ہے کہ امریکا سعودی عرب کی ایک تزویراتی اتحادی کی حیثیت سے اس کی مدد اور حمایت جاری رکھے گا۔ وزارت دفاع کا کہنا ہے کہ امریکا اور سعودی عرب کے باہمی تعلقات میں تیزی کےساتھ پیش رفت ہو رہی ہے۔

امریکا اور سعودی عرب کے عسکری تعلقات میں پیش رفت ہو رہی ہے: پینٹاگان

امریکی وزارت دفاع پینٹاگان نے باور کرایا ہے کہ امریکا سعودی عرب کی ایک تزویراتی اتحادی کی حیثیت سے اس کی مدد اور حمایت جاری رکھے گا۔ وزارت دفاع کا کہنا ہے کہ امریکا اور سعودی عرب کے باہمی تعلقات میں تیزی کےساتھ پیش رفت ہو رہی ہے۔