امریکہ کی طرف سے ہندوستان کو دھمکی روس سے ڈیل کی صورت میں دفاعی امداد محدود ہوجائے گی
واشنگٹن،15/جون (ایس او نیوز/ آئی این ایس انڈیا) امریکہ کی وزارت خارجہ کی افسر ایلس جی ویلس نے جمعہ کو کہا کہ ان کا ملک ہندوستان کی دفاعی ضروریات پورا کرنے کے لئے تیار ہے، لیکن روسی ایس-400 نظام اس میں رکاوٹ بن رہا ہے- ہندوستان-روس ڈیل سے امریکہ کا تعاون محدود کردیا جائے گا - ایشیا سے منسلک خارجہ امور کی ذیلی کمیٹی کو انہوں نے بتایا کہ گزشتہ دس سالوں میں امریکہ ہندوستان کے درمیان18ارب ڈالر(1.25 لاکھ کروڑ روپے) کے دفاع کے معاہدے ہوئے ہیں، جبکہ اس سے پہلے دونوں ممالک کے درمیان دفاعی معاملات میں کاروبار تقریبا صفر تھا-ٹرمپ انتظامیہ نے حال ہی میں دھمکی دیتے ہوئے کہا تھا کہ ہندوستان کا یہ فیصلہ (اے400ڈیل) امریکہ اور ہندوستان کے تعلقات پر شدید اثر ڈالے گا-ایلس کا کہنا ہے کہ اب بھی ہندوستان کی70فیصدی ملٹری ہارڈ ویئر روسی ہیں - ایسے میں ہندوستان کو فیصلہ کرنا ہوگا کہ اسے صرف روس پر انحصار رہنا ہے یا پھر امریکہ سے دوستی بڑھانی ہے- ہندوستان کو اب اپنی ترجیح طے کرنی ہوگی-ایلس ذیلی کمیٹی کو بتا رہی تھیں کہ امریکہ ہندوستان کے درمیان دفاع کے معاملات میں تعلق کس طرح سے بہتر کیا جا سکتا ہے- ان کا کہنا تھا کہ حالیہ برسوں میں امریکہ ہندوستان کے ساتھ کسی دوسرے ملک کی نسبت زیادہ مشق کر رہا ہے-10سال پہلے امریکہ ہندوستان کو ہتھیار فروخت کرنے میں زیادہ دلچسپی نہیں لیتا تھا، لیکن اب اسے سنجیدگی سے لیا جا رہا ہے- ہندوستان سے رشتے بہتر بنانے کے معاملے میں امریکہ اب ہر ممکن اقدامات کر رہی ہے- ایلس کے مطابق نریندر مودی روزگار کو سنجیدگی سے لے رہے ہیں، اس میں امریکہ ان کی مدد کر سکتا ہے، کیونکہ ایف ڈی آئی کے ذریعہ ہی بے روزگاری کے مسئلے سے نمٹا جا سکتا ہے-ہندوستان کیلئے امریکہ ایک بڑی مارکیٹ ہے-ہندوستان کی20 فیصدی مصنوعات (اشیاء) امریکہ سے آتی ہیں، امریکہ کی کمپنیوں کے لئے بھی ہندوستان ایک بہتر مارکیٹ ہے- بھارت سے تعلق بہتر بنانے میں کاروبار ہی مددگار بن سکتا ہے-
