واشنگٹن، 28/ستمبر (ایس او نیوز /ایجنسی) نومبر میں ہونے والے امریکی صدارتی انتخابات میں ڈیموکریٹک پارٹی کی امیدوار کملا ہیرس کئی اہم ریاستوں جیسے ایریزونا، مشی گن اور پنسلوانیا میں اپنے ریپبلکن حریف ڈونلڈ ٹرمپ سے آگے ہیں۔ ایک حالیہ سروے کے مطابق، مشی گن میں نائب صدر ہیرس کو سابق صدر ٹرمپ پر معمولی برتری حاصل ہے، جو ان کی انتخابی مہم کے لیے خوش آئند اشارہ ہے۔

روڈریگو کاسترو کارنیجو،یوماس لویل میں پولیٹیکل سائنس کے اسسٹنٹ پروفیسر اور سینٹر فار پبلک اوپینین کے ایسوسی ایٹ ڈائریکٹر نے کہا، اس ریاست کی رائے شماری میں نائب صدر کی برتری ان کے لیے اچھی خبر ہے۔ کورنیجو نے کہا، اگر ٹرمپ اس فرق کو کم کرنا چاہتے ہیں تو انہیں امریکہ میں گریٹ لیکس اسٹیٹ، ایریزونا، مشی گن، پنسلوانیا، الینوائے، انڈیانا، مینیسوٹا، نیویارک، اوہائیو اور وسکونسن میں سخت مقابلہ کرنا ہوگا۔ جسے گریٹ لیکس اسٹیٹ کہا جاتا ہے۔

سروے کے مطابق پنسلوانیا میں ہیرس کو 48 فیصد لوگوں کی حمایت حاصل ہے جب کہ ٹرمپ کو 46 فیصد لوگوں کی حمایت حاصل ہے۔ فاکس نیوز کے نئے پول کے مطابق ہیرس کو جارجیا میں اپنے حریف ٹرمپ پر معمولی برتری حاصل ہے لیکن ایریزونا میں وہ پیچھے ہیں۔

اس کے مطابق جارجیا میں ہیرس کو 51 فیصد حمایت ملی ہے جبکہ ٹرمپ کو 48 فیصد حمایت ملی ہے۔ سروے کے مطابق ٹرمپ ایریزونا میں تقریباً اتنے ہی فرق سے ہیرس سے آگے ہیں۔ انہیں 51 فیصد لوگوں کی حمایت حاصل ہے جب کہ ہیرس کو 48 فیصد لوگوں کی حمایت حاصل ہے۔