ایران کے جوہری پروگرام سے متعلق امریکا اور اسرائیل کی مشاورت

Source: S.O. News Service | Published on 24th January 2021, 9:02 PM | عالمی خبریں |

 دبئی،24جنوری (آئی این ایس انڈیا)  نئی امریکی انتظامیہ اور اسرائیل کے درمیان ایران کے جوہری پروگرام کے معاملے پرمشاورت شروع ہوگئی ہے۔ اسرائیلی قومی سلامتی کے مشیر مائیر بن شبات نے ہفتے کے روز امریکی ہم منصب جیک سولیوان کے ساتھ ٹیلیفون پر بات چیت کی۔ دونوں رہ نمائوں کے درمیان ایران کے متنازع جوہری پروگرام پر آئندہ کا لائحہ عمل طے کرنے پر تبادلہ خیال کیا۔

آئندہ ماہ اسرائیلی خفیہ ادارے موساد کے چیف یوسی کوھین امریکا کا دورہ کریں‌گے جہاں وہ واشنگٹن میں ' سی آئی اے' کے سربراہ ولیم برنز اور امریکی صدر جو بائیڈن سے ملاقات کریں گے۔ ان ملاقاتوں میں وی ایران کے ساتھ جوہری معاہدے میں متوقع امریکی واپسی کے بارے میں اسرائیلی موقف واضح‌ کریں‌ گے۔ یوسی کوھین امریکی حکام سے ملاقات میں ایران کے ساتھ جوہری معاہدے میں امریکا کی واپسی کے بارے میں تل ابیب کی طرف سے تجاویز پیش کریں گے۔

ذرائع ابلاغ کا کہنا ہے کہ جوبائیڈن انتظامیہ نے سنہ 2015ء میں طے پانے والے جوہری معاہدے میں ایران کی واپسی کے بارے میں ایران کے ساتھ درپردہ بات چیت کا آغاز کیا ہے۔ اسرائیل کے عبرانی ٹی وی چینل '12' نے بتایا کہ امریکا نے ان مذاکرات کے بارے میں اسرائیل کو بتایا ہے۔ اسرائیلی خبار'ٹائمز آف اسرائیل' نے بھی ان اطلاعات کی تصدیق کی تھی۔

خیال رہے کہ نومنتخب امریکی صدر جوبائیڈن نے ایک سے زاید مواقع پر ایران کے ساتھ طے پائے جوہری معاہدے میں امریکا کی واپسی کے عزم کا اظہار کیا ہے۔

ایک نظر اس پر بھی

طالبان نےالقاعدہ سے ناتانہیں توڑا،امریکا حملوں کے جواب کا حق محفوظ رکھتا ہے:جنرل میکنزی

امریکا کی مرکزی کمان کے سربراہ جنرل کینتھ میکنزی نے خبردار کیا ہے کہ امریکا اپنے انتخاب کے مطابق کسی بھی وقت اور کسی بھی جگہ پر حملوں کا جواب دینے کا حق محفوظ رکھتا ہے۔ان کا کہنا ہے کہ امریکا کی پہنچ بہت دور دور تک ہے۔

ایران : شوہر کی قاتل خاتون کی ’لاش‘ کو پھانسی دینے کا عجیب و غریب واقعہ

 سزائے موت سے قبل دل کا دورہ پڑنے سے انتقال کر جانے والی خاتون زہرہ اسماعیلی کو ایران میں پھانسی دے دی گئی ہے۔ غیر ملکی میڈیا رپورٹوں کے مطابق 42 سالہ زہرہ اسماعیلی کو اپنے شوہر کے قتل کے جرم میں سزائے موت دی گئی تھی، زہرہ اسماعیلی کو شرعی قانون قصاص کے تحت سزائے موت دی گئی ہے۔