طالبان کے انتباہ کے دوران امریکہ نے مزید 10900 افراد کو کابل سے باہر نکالا

Source: S.O. News Service | Published on 24th August 2021, 12:20 PM | عالمی خبریں |

واشنگٹن،24؍اگست (ایس او نیوز؍ایجنسی)  امریکہ نے افغانستان کے دار الحکومت کابل سے پیر کے روز 10900 مزید افراد کو نکال کر محفوظ مقامات پر پہنچایا۔ وائٹ ہاؤس کے ایک عہدیدار نے یہ اطلاع فراہم کی۔ امریکہ کی جانب سے طالبان سے ان لوگوں کو خطرے کے پیش نظر انخلا کے عمل کو تیز کر دیا گیا ہے۔ دراصل، طالبان نے امریکہ کو 31 اگست تک ملک پوری طرح چھوڑ دینے کا الٹی میٹم دیا ہے اور ایسا نہ ہونے پر انجام بھگتنے کی دھمکی دی ہے۔ تاہم امریکی صدر جو بائیڈن نے طالبان کی دھمکی کو درکنار کر دیا ہے۔

وائٹ ہاؤس کے ریپڈ ریسپانس ڈائریکٹر مائیک گوین نے منگل کے روز ٹوئٹ کر کے کہا کہ پیر کے روز 12 گھنٹوں کے دوران 10900 افراد کو کابل سے نکال کر محفوظ مقامات پر لے جایا گیا ہے۔ امریکہ اب تک گزشتہ 10 دنوں میں 48 ہزار کے قریب لوگوں کو کابل سے باہر نکال چکا ہے۔ افغانستان میں خطرے کے پیش نظر امریکہ، برطانیہ سمیت مختلف ممالک نے یہ مہم شروع کی تھی۔

طالبان کو اپنے لئے خطرہ قرار دینے والے مختلف افغان پناہ گزینوں کو بھی وہاں سے طیارے کے ذریعے دوسرے مقامات پر لے جایا گیا ہے۔ یہ وہ لوگ ہیں جنہوں نے طالبان کے خلاف امریکہ کی مدد کی تھی۔ طالبان کی جانب سے عام معافی کے اعلان کے بعد بھی یہ خوف کے سایہ میں زندگی گزار رہے ہیں اور فوراً سے پیشتر ملک چھوڑ دینے پر آمادہ ہیں۔ افغان حکومت کے صدر اشرف غنی کے ملک سے فرار ہونے اور افغان فوج کے طالبان کے سامنے ہتھیار ڈال دینے کے سبب ملک میں افرا تفری کا ماحول ہے۔ ہزاروں کی تعداد میں لوگ کابل ایئرپورٹ پہنچ کر دوسرے ممالک کا رخ کر رہے ہیں۔

ایک نظر اس پر بھی

روس-یوکرین جنگ کے سبب عالمی غذائی بحران کا اندیشہ، لاکھوں لوگ نقص تغذیہ کے ہو سکتے ہیں شکار!

بی بی سی کی ایک رپورٹ کے مطابق اقوام متحدہ نے متنبہ کیا ہے کہ یوکرین پر روس کے حملہ سے جلد ہی عالمی غذائی بحران پیدا ہو سکتا ہے جو سالوں تک بنا رہ سکتا ہے۔ جنرل سکریٹری انٹونیو گٹیرس نے کہا کہ بڑھتی قیمتوں کے سبب غریب ممالک میں جنگ نے غذائی بحران کو بڑھا دیا ہے۔

سری لنکا: سمندر کے ساحل پر دو مہینے سے کھڑا ہے پٹرول سے لدا جہاز، حکومت کے پاس خریدنے کے لئے نہیں ہے پیسے !

سری لنکا  نے بدھ کے روز کہا کہ پٹرول سے لدا جہاز تقریباً دو ماہ سے اس کے ساحل پر کھڑا ہے لیکن اس کے پاس ادائیگی کے لیے غیر ملکی کرنسی نہیں ہے۔ سری لنکا نے اپنے شہریوں سے اپیل کی ہے کہ وہ اس ایندھن کے لیے قطار میں کھڑے ہو کر انتظار نہ کریں۔ تاہم سری لنکا کی حکومت نے کہا کہ ملک کے پاس ...

مہندا راج پکشے اور ان کے 15 ساتھی ملک چھوڑ کر نہیں جا سکتے: عدالت

سری لنکا اب تک کے بدترین معاشی بحران سے گزر رہا ہے۔ اس سے نمٹنے میں حکومت کی ناکامی پر ملک گیر مظاہروں کے درمیان صدر گوٹابایا راج پکشے نے کل قوم سے خطاب میں کہا تھا کہ وہ جلد نئی حکومت اور وزیراعظم کا اعلان کریں گے۔

سری لنکا: صدر گوٹابایا کا قوم سے خطاب، راج پکشے خاندان سے کابینہ میں کوئی نہیں ہوگا

  سری لنکا میں پرتشدد مظاہروں کے درمیان کرفیو نافذ کر دیا گیا ہے اور تشدد کے مرتکب افراد کو گولی مارنے کی اجازت دے دی گئی ہے۔ اس دوران سری لنکا کے صدر گوٹابایا راج پکشے نے قوم سے دوسرے مرتبہ خطاب کیا، جس میں انہوں نے کہا ہے کہ ایک ہفتے کے اندر نئی حکومت تشکیل دی جائے گی اور نئے ...

بحران میں مبتلا سری لنکائی باشندوں کی ہندوستان میں دراندازی کا اندیشہ، تمل ناڈو پولیس الرٹ

سیاسی اور معاشی بحران میں مبتلا سری لنکا میں ہر طرف تشدد کا ماحول ہے۔ وہاں کے کئی شہریوں کے ذریعہ ہندوستان میں دراندازی کے اندیشے ظاہر کیے جا رہے ہیں۔ اسے روکنے کے لیے تمل ناڈو کی ساحلی پولیس ہائی الرٹ پر ہے۔