امریکہ میں کورونا سے ہلاک ہونے والوں کی تعداد 90 ہزار سے تجاوز

Source: S.O. News Service | Published on 17th May 2020, 2:12 PM | عالمی خبریں |

نیوریاک،17؍مئی(ایس او نیوز؍ایجنسی) امریکہ میں کورونا وائرس سے ہونے والی اموات کی تعداد تیزی کے ساتھ ایک لاکھ کی جانب بڑھ رہی ہے۔ تازہ اعداد و شمار کے مطابق وہاں کورونا سے ہلاک ہونے والوں کی تعداد 90 ہزار سے زیادہ ہو گئی ہے اور وہاں متاثرین کی تعداد 15 لاکھ سے زیادہ ہو گئی ہے۔

ادھر پوری دنیا میں کورونا متاثرین کی تعداد بھی رکنے کا نام نہیں لے رہی اور اب تک پوری دنیا میں کورونا سے 47 لاکھ سے زیادہ لوگ متاثرین ہو چکے ہیں اور اس وبا سے ہلاک ہونے والوں کی تعداد 3 لاکھ 13 ہزار سے زیادہ ہو گئی ہے۔

روس میں کورونا متاثرین کی تعداد 2 لاکھ 72 ہزار سے زیادہ ا ہے لیکن روس میں ہلاک ہونے والوں کی تعداد 2537 ہے۔

یوروپ میں برطانیہ وہ ملک ہے جہاں کورونا وائرس سے اب تک سب سے زیادہ اموات ہوچکی ہیں اور وہاں 33 ہزار سے زیادہ افراد اس وائرس سے ہلاک ہو چکے ہیں جبکہ وہاں متاثرین کی تعداد 2 لاکھ 40 ہزار سے زیادہ ہے۔ اٹلی میں اب تک 31 ہزار سے زیادہ افراد ہلاک ہو چکے ہیں جبکہ وہاں متاثرین کی تعداد 2 لاکھ 24 ہزار سے زیادہ ہے۔ اسپین اور فرانس میں کورونا سے ہونے والی اموات کی تعداد 27 ہزار سے زیادہ ہے۔

سعودی عرب میں کورونا متاثرین کی تعداد 52 ہزار سے تجاوز کر گئی ہے اور وہاں اس سے ہلاک ہونے والوں کی تعداد 302 ہو گئی ہے۔ پاکستان میں کورونا متاثرین کی تعداد 38 ہزار سے زیادہ ہے اور وہاں اس وبا ئی وائرس سے مرنے والوں کی تعداد834 ہو گئی ہے۔

ایک نظر اس پر بھی

امریکہ: ٹرمپ کی فوج تعیناتی کی دھمکی پر فسادات میں شدت، ایئرفورس بیس میں فائرنگ سے 2 اہلکار ہلاک

امریکی صدر ڈونلڈ ٹرمپ کی ملک میں فوج تعینات کرنے کی دھمکی پر امریکہ بھر میں فسادات میں مزید شدت آگئی۔ پوسٹمارٹم رپورٹ میں سیاہ فام جارج فلائیڈ کی موت کو قتل قراردیدیا گیا جبکہ ریاست ڈکوٹا میں ایئر فورس بیس میں فائرنگ کے نتیجہ میں 2 اہلکار ہلاک ہوگئے ۔

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔

عراق: فضائی حملے میں دو فوجی اور دو دہشت گردوں کی موت

عراق کے صوبہ نینوا اور دييالہ میں پیر کو ایک فضائی حملے اور ایک بم دھماکے میں دو فوجی ہلاک ہو گئے جبکہ دو دہشت گرد بھی مارے گئے۔ عراق کے جوائنٹ آپریشن کمانڈ کے میڈیا آفس نے ایک بیان میں بتایا کہ ایک حملہ میں دوعراقی فوجی ہلاک اور دو دیگر زخمی ہو گئے۔

انگلینڈ میں لاک ڈاؤن میں نرمی، 10 ہفتوں بعد کھلے اسکول

10 ہفتوں کے بعد برطانیہ کے انگلینڈ ریجن میں لاک ڈاؤن کے بعد اسکول کھول دیئے گئے، مگر نصف کے قریب والدین نے اپنے بچوں کو اسکول بھیجنے سے گریز کیا ہے۔ برطانوی حکومت نے گزشتہ روز لاک ڈاؤن میں نرمی کرنے کا اعلان کیا تھا جس میں اسکولوں کا کھولا جانا بھی شامل تھا، کچھ علاقوں میں ...