بھٹکل میں بدھ 8 ڈسمبر کو ہوگی عظیم الشان شعرو نغمہ کی محفل؛ ساحل آن لائن پرمشاعرہ ہوگا لائیو
بھٹکل 7 ڈسمبر (ایس او نیوز) بدھ 8 ڈسمبر کو بھٹکل نوائط کالونی میں عظیم الشان شعرو نغمہ کی محفل "محفل یاراں" کا انعقاد کیا گیا ہے جس میں مشہور بین الاقوامی شعراء سندر مالیگاوں، الطاف ضیاء، نجم حسن پرتاپ گڑھی، سمیع اللہ برماور بھٹکلی، شکیل بھارتی، سفیان پرتاپ گڑھی، عدنان پرتاپ گڑھی وغیرہ شعراء کرام اور طنز و مزاح کے عالمی شہرت یافتہ فنکار اپنے فن کا مظاہرہ کریں گے۔
محفل کی نظامت کے لئے دبئی سے خصوصی طور پربہترین ناظم مشاعرہ جناب کھروری رحمت اللہ راہی بھی تشریف لارہے ہیں۔ ان باتوں کی اطلاع بھٹکل مسلم خلیج کونسل کے سکریٹری جنرل جناب عتیق الرحمن مُنیری نے دی۔ انہوں نے بتایا کہ اُن کی دُختر کے عقد سعید کے موقع پران کی رہائش گاہ مرحبا (امین الدین روڈ، نوائط کالونی) میں اس مشاعرہ کا انعقاد کیا گیا ہے جو رات ٹھیک 8:30 بجے شروع ہوگا۔ جناب عتیق الرحمن مُنیری نے شعروادب کی اس باوقار محفل میں عوام الناس سے شریک ہونے اورمحفل سے لطف اندوز ہونے کی درخواست کی ہے۔
توقع ہے کہ یہ محفل نہایت دلچسپ اورتفریح بخش ہوگی، جس کو دیکھتے ہوئے پوری محفل کو ساحل آن لائن پر لائیو نشر کیا جائے گا۔
لائیو کے لئے مندرجہ ذیل لنک پر کلک کرسکتے ہیں۔عوام الناس اگراپنے موبائل کے ذریعے لنک پر کلک کرکے چینل کو سبسکرائب کریں اورset reminder کی گھنٹی کو دبائیں تو مشاعرہ شروع ہوتے ہی موبائل پرمسیج موصول ہوسکتا ہے۔
لائیو مشاعرہ کی لنک:
https://www.youtube.com/watch?v=GEDBJTSBYos
ساحل آن لائن پرپیش ہونے والی وڈیو نیوزسمیت دیگر پروگرام سے باخبر رہنے کے لئے عوام کے لئے ضروری ہے کہ وہ پہلی فرصت میں https://www.youtube.com/sahilonlinevideo پر کلک کرکے Subscribe والے بٹن کو دبائیں۔