جے این یو پر بہار کے ڈپٹی سی ایم سشیل مودی بولے، کیمپس میں بیف پارٹی کرنے والے شہری نکسلی غریب طالب علموں کو کررہے ہیں گمراہ

Source: S.O. News Service | Published on 20th November 2019, 8:39 PM | ملکی خبریں |

نئی دہلی،20/نومبر(ایس او نیوز/آئی این ایس انڈیا) جواہر لالو نہرو یونیورسٹی (جے این یو) میں اضافی فیس کے خلاف چل رہے مظاہرے پر بہار کے نائب وزیر اعلی سشیل کمار مودی نے ٹویٹ کر کے مخالفت کا اظہار کیا ہے۔ سشیل مودی نے کہا ہے کہ اضافی فیس کا اتنا بڑا مسئلہ نہیں ہے، بلکہ کیمپس میں بیف پارٹی کرنے والے شہری نکسلی غریب طالب علموں کو گمراہ کر کے اپنی سیاسی روٹیاں سینکنا چاہتے ہیں۔ انہوں نے نے کہا کہ جے این یو میں فیس اضافہ کوئی اتنا بڑا مسئلہ نہیں کہ اس کے لئے پارلیمنٹ مارچ نکالا جائے۔حقیقت یہ ہے کہ جو شہری نکسلی اس کیمپس میں بیف پارٹی، اور ملک کے ٹکڑے ٹکڑے کرنے کے نعرے لگانے جیسی سرگرمیوں میں مصروف ہیں وہ اب غریب طالب علموں کو گمراہ کر کے سیاسی روٹیاں سینکنا چاہتے ہیں۔بتا دیں جے این یو کے طالب علم ہاسٹل فیس میں اضافہ کی وجہ سے گزشتہ 3 ہفتوں سے مظاہرہ کررہے ہیں۔طالب علموں نے پیر کو پارلیمنٹ سیشن کے آغاز ہونے کے پہلے ہی دن اپنے مطالبات کی حمایت میں پارلیمنٹ مارچ کیا تھا۔پارلیمنٹ مارچ کے دوران طالب علم اور پولیس میں جھڑپ ہو گئی تھی جس میں کئی طالب علم اور کچھ پولیس اہلکار زخمی ہو گئے تھے۔واقعہ کے بعد یہ مسئلہ لوک سبھا میں گونجاترنمول کانگریس کے سوگت رائے نے طالب علموں پر کئے گئے پولیس کی زیادتی کا معاملہ وقفہ صفر کے دوران اٹھاتے ہوئے کہا کہ یہ افسوسناک ہے کہ جے این یو کے طلباء پر لاٹھیاں چلائی گئی ہیں۔ہمارے یہاں یہ نظام ہے کہ اعلی تعلیم سرکاری اخراجات پر ملے، تاکہ غریب بچے بھی اعلی تعلیم حاصل کر سکے۔وہیں کانگریس رکن ٹی این پرتاپن نے بھی وقفہ صفر کے دوران یہ مسئلہ اٹھاتے ہوئے کہاکہ جے این یو میں حکومت آواز دبانے کی کوشش کر رہی ہے۔وہ پولیس لاٹھی چارج کی کارروائی کی اعلی سطحی جانچ کا مطالبہ کرتے ہیں۔سشیل مودی کی ٹویٹس کے بعد سوشل میڈیا میں ان کے بیان کی جم کر بحث ہو رہی ہے۔وہیں بہار کے جانے مانے استاد اند کمار نے کہا ہے کہ غریب میدھاوی طالب علموں کو اسکالرشپ اور دوسرے طریقے سے مدد مہیا کرانی چاہئے۔ حکام، طالب علموں کو ایک ساتھ بیٹھ کرایک حل نکالنا چاہیے۔حکومت کو فیس بڑھانے کے فیصلے پر ایک بار پھر غور کرنا چاہئے تاکہ ضرورت مند محروم نہ رہ جائیں۔

ایک نظر اس پر بھی

نربھیا کے چاروں مجرموں کو پھانسی دینے کی تیاری ،بکسر مرکزی جیل میں تیار ہو رہے ہیں پھانسی کے 10 پھندے

تلنگانہ کے حیدر آباد میں عصمت دری اور قتل معاملہ کے ملزمین کے پولس تصادم میں مارے جانے کے بعد دہلی نربھیا معاملے کے ملزمین کو پھانسی پر لٹکائے جانے کے زور پکڑتے مطالبات کے مابین بہار کے بکسر مرکزی جیل کو اس سال 14 دسمبر تک پھانسی کے دس پھندے تیار کرنے کی ہدایت سے قیاس آرائیوں کا ...

عصمت دری کی راجدھانی بن گیا ہندوستان پھر بھی خاموش ہیں پی ایم مودی: راہل

 کانگریس کے سنیئر لیڈر راہل گاندھی نے اتر پردیش میں ایک لڑکی کے ساتھ ہوئی عصمت دری معاملے پر وزیراعظم نریندر مودی پر خاموشی اختیار کرنے کا الزام عائد کرتے ہوئے آج کہاکہ ہندوستان دنیا کی عصمت دری کی راجدھانی میں تبدیل ہو رہا ہے ،