سول سروسز امتحان 2020 کے حتمی نتائج کا اعلان، بہار کے شبھم کمار کو اول مقام حاصل

Source: S.O. News Service | Published on 25th September 2021, 11:22 AM | ملکی خبریں |

نئی دہلی،25؍ستمبر(ایس او نیوز؍ایجنسی)  یونین پبلک سروس کمیشن (یو پی ایس سی) کی جانب سے جنوری 2021 میں منعقدہ سول سروسز امتحان 2020 کے تحریری حصے اور اگست-ستمبر 2021 میں منعقد پرسنالٹی ٹیسٹ (شخصیت) کے لیے انٹرویو کے نتائج کی بنیاد پر انڈین سول سروسز، انڈین فارن سروسز، انڈین پولیس سروسز اور سینٹرل سروسز میں تقرری کے لیے جمعہ کے روز حتمی نتائج کا اعلان کر دیا گیا ہے۔

سول سروسز امتحان 2020 میں بہار سے تعلق رکھنے والے شبھم کمار نے اول مقام حاصل کیا ہے۔ وہ آئی آئی ٹی بامبے سے سول انجینیئرنگ میں گریجویٹ ہیں جبکہ دوسرا مقام جاگرتی اوستھی نے حاصل کیا ہے، جبکہ تیسرا مقام انکیتا جین کو حاصل ہوا ہے۔

اس مرتبہ 545 مرد اور 216 خواتین سمیت کل 761 امیدواروں نے سول سروسز امتحان پاس کیا ہے اور کل ملا کر 761 امیدواروں کی تقرری کے لیے سفارش کی گئی ہے۔ سول سروسز امتحان 2020 کے نتائج دہلی ہائی کورٹ میں زیر التواء رٹ عرضی (سی) نمبر 5153/2020 اور 7351/2020 کے نتیجے کے تحت ہوں گے۔

کمیشن کی جانب سے جاری آج حتمی نتائج کے مطابق سرفہرست 25 امیدواروں میں 13 مرد اور 12 خواتین ہیں۔ اس میں545 مردوں اور 216 خواتین سمیت کل 761 امیدواروں نے امتحان پاس کیا ہے اورمجموعی طور پر 761 امیدواروں کی تقرری کے لیے سفارش کی گئی ہے۔

منتخب امیدواروں میں 263 جنرل کٹیگری، 86 اقتصادی طور پر پچھڑے(ای ڈبلیو ایس)، 229 دیگر پسماندہ طبقات (او بی سی) 112 ایس سی اور 61 ایس ٹی سے ہیں۔

بہار کے وزیراعلیٰ نتیش کمارنے یونین پبلک سروس کمیشن (یو پی ایس سی) کی سول سروسز امتحان 2020 میں فرسٹ رینک حاصل کرنے پر بہار کے ضلع کٹیہار کے باشندے شبھم کمار کو مبارکباد دی اور نیک خواہشات پیش کی ہیں۔

کمار نے جمعہ کو مبارکباد ددیتے ہوئے کہا کہ شبھم کمار نے یو پی ایس سی کے امتحان میں اولیں مقام حاصل کرکے نہ صرف بہار کا وقار بڑھایا ہے بلکہ پورے ملک کو بھی فخر سے بھر دیا ہے۔ اس سے بہار کے نوجوان کو مزید آگے بڑھنے کی ترغیب ملے گی۔

وزیراعلیٰ نے کہا کہ بہار کے ڈیولپمنٹ کمشنر عامر سبحانی نے بھی سنہ 1987 میں یو پی ایس سی ٹاپ کیا تھا، جو سیوان کے باشندے ہیں۔

یو پی ایس سی کے احاطے میں امتحان ہال کے قریب ایک ’سہولت کاؤنٹر‘ واقع ہے۔ امیدوار اپنا امتحان/تقرری سے متعلق کسی بھی طرح کی معلومات/وضاحت، ذاتی طور پر یا ٹیلی فون نمبر 23385271/23381125/23098543 پر کام کے دنوں میں علیٰ الصباح 10:00 سے شام 5:00 بجے کے درمیان حاصل کر سکتے ہیں۔ نتیجہ یو پی ایس سی کی ویب سائٹ یعنی ایچ ٹی ٹی پی/ ڈبلیو ڈبلیو ڈبلیو ڈاٹ یو پی ایس سی ڈاٹ جی او وی ڈاٹ آئی این پر بھی مہیا ہوگا۔ نتائج کے اعلان ہونے کی تاریخ سے 15 دن کے اندر نمبر ویب سائٹ پر مہیا ہوں گے۔

ایک نظر اس پر بھی

کانگریس نے پیگاسس کیس پرعدالت کے فیصلے کاخیرمقدم کیا

کانگریس نے بدھ کو سپریم کورٹ کے مبینہ پیگاسس جاسوسی کیس کی تحقیقات کے لیے تین رکنی کمیٹی قائم کرنے کے فیصلے کا خیرمقدم کرتے ہوئے کہاہے کہ’ستیہ میو جیتے۔‘‘پارٹی کے چیف ترجمان رندیپ سرجے والانے ٹویٹ کیاہے کہ بزدل فاشسٹوں کی آخری پناہ گاہ مبینہ قوم پرستی ہے۔

بی جے پی رکن اسمبلی کرشنا کلیانی بھی ترنمول کانگریس میں شامل

 بنگال بی جے پی کو دھکچے لگنے کا سلسلہ جاری ہے۔ اب رائے گنج سے بی جے پی کے ممبر اسمبلی کرشنا کلیانی جنہوں نے یکم اکتوبر کو بی جے پی چھوڑ دی تھی نے قیاس آرائیوں کے مطابق آج پارٹی کے سکریٹری جنرل پارتھو چٹرجی کی موجودگی میں ترنمول کانگریس میں شامل ہوگئے۔

ہندوتوا وادی مظاہرین کے ہاتھوں تریپورہ کی 16 مساجد میں توڑ پھوڑ، 3 مساجد نذر آتش

شمال مشرقی ریاست تریپورہ میں حالات دن بدن شدت اختیار کرتے جا رہے ہیں۔ بنگلہ دیش میں ہندوؤں کے خلاف ہوئے تشدد کی مذمت میں کئی دنوں سے ریاست بھر میں مظاہرے اور ریلیاں جاری تھیں، لیکن یہ ریلیاں شدت اختیار کر گئیں اور ریاست کے مسلمانوں کے خلاف متشدد ہوگئیں۔

وزیراعلی ملازمتیں فراہم کریں یا مستعفی ہوجائیں: وائی ایس شرمیلا

 وائی ایس آر تلنگانہ پارٹی کی سربراہ وائی ایس شرمیلا نے کہا ہے کہ ہر گھر کو ایک ملازمت یا نہیں تو بے روزگاری کا الاونس فراہم کرنے ولے وزیراعلی کے چندرشیکھرراو کے وعدہ پر یقین کرتے ہوئے عوام نے ان کو اقتدار حوالے کیا، تاہم موجودہ صورتحال یہ ہوگئی ہے کہ ریاست میں بے روزگاری میں ...

پیگاسس معاملہ پر مرکز کو سپریم کورٹ سے جھٹکا! تفتیشی کمیٹی کا قیام

پیگاسس معاملہ میں سپریم کورٹ نے مرکزی حکومت کو جھٹکا دیتے ہوئے کہا کہ پیگاسس معاملہ کی جانچ ہوگی، عدالت نے جانچ کے لئے ماہرین کی ایک کمیٹی بھی تشکیل دے دی ہے۔ عدالت عظمیٰ نے کہا کہ اس معاملہ میں مرکز کا رخ واضح نہیں اور رازداری کی خلاف ورزی کی تحقیقات ہونی چاہئے۔