مینگلور میں ہندو گرل کے ساتھ رکشہ پر سفرکرنے کے دوران مسلم نوجوان کی آئی شامت
منگلورو، 7؍اپریل (ایس او نیوز) ساحلی کرناٹک میں ہندو لڑکی کے ساتھ اگر مسلم لڑکا بات کرے تو شدت پسند تنظیموں کے کارکنوں کے لئے مسلم لڑکے پر حملہ کرنا عام بات ہے، اسی طرح کا تازہ واقعہ مینگلور سے قریب53 کلو میٹر دور اُپینگڈی میں پیش آیا جہاں ایک مسلم نوجوان پر اُس وقت حملہ کیا گیا جب وہ ایک ہندو لڑکی کے ساتھ آٹو رکشہ پر سفر کررہا تھا۔
ذرائع سے ملی اطلاع کے مطابق مطابق پٹو علاقہ کا ساکن 21 سالہ نوجوان نذیر منگل کے روز ایک آٹو رکشہ پر اُپیننگڈی سے مینگلور۔ بنگلور نیشنل ہائی وے پر پوجا نامی لڑکی کے ساتھ سفر کررہا تھا، 12 بجے کے قریب تین نوجوانوں نے موضع سری باگیلو کے قریب آٹو رکشہ کو روک دیا۔
اشرار نے دونوں کے نام پوچھے اور جب پتہ چلا کہ دونوں کا تعلق مختلف مذاہب سے ہے تو ملزمین نے نذیر کے چہرہ اور سر پر وار کیا۔ انہوں نے دونوں کے ساتھ گالی گلوج کرنے کے ساتھ نذیر کو دھمکی دی کہ وہ دوبارہ اس لڑکی کے ساتھ نظر نہیں آنا چاہئے۔
معاملے کو لے کر اُپیننگدی پولیس تھانہ میں معاملہ درج کیا گیا ہے اور ملزمین تیرتھ پرساد، جتیش، سریندر اور دیگر کے خلاف آئی پی سی کی دفعہ 143، 147، 341، 504، 323، 324، 506 اور 153A کے تحت کیس درج کرلیا گیا ہے۔