کاروار سمیت ریاست کے سمندر میں 14جون تک ماہی گیری کا موقع
کاروار:26؍مئی(ایس اؤ نیوز) کرونا وائرس کے پھیلاؤ کو روکنے کے لئے نافذ کئے گئے لاک ڈاؤن کی وجہ سے ماہی گیری کو ہوئے نقصان کو دیکھتے ہوئے مرکزی حکومت نے 14جون تک گہرے سمندر میں مشینی ماہی گیر ی پر پابندی عائد کرتے ہوئے روایتی ماہی گیر ی کو جاری رکھنے کی منظوری دی ہے۔ ترمیم شدہ حکم نامے کے مطابق 31جولائی تک کل 47دن مچھلی شکار پر پابندی رہے گی۔
لاک ڈاؤن کی مدت 24مارچ سے 10اپریل تک یعنی 17دن ماہی گیری کے لئے موقع نہیں دیاگیا تھاجس کی وجہ سے ماہی صنعت کاری کو نقصان ہواہے۔ ماہی گیری کو جاری رکھنے کا مطالبہ لےکر مختلف ماہی گیر تنظیموں نے حکومت سے اپیل کی تھی ۔ اس سلسلے میں ماہرین کی کمیٹی ، ریاستوں سے بات چیت کے بعد مرکزی وزارت ماہی گیر نے 14جون تک مچھلی شکار کو منظوری دی ہے۔
ہرسال کی طرح امسال بھی یکم جون سے 31جولائی تک ماہی گیر ی پر پابندی عائد کرتے ہوئے 20مارچ کو سرکلر جاری کیاگیا تھا۔ جس میں اب ترمیم کرتے ہوئے 14جون تک چھوٹ دی گئی ہے۔