یوپی: ہجومی تشدد کے متاثرین کو عبوری معاوضہ فراہم کرنے کا فیصلہ

Source: S.O. News Service | Published on 10th September 2019, 10:19 PM | ملکی خبریں |

لکھنؤ،10؍ستمبر(ایس او نیوز؍یو این آئی) اترپردیش کے وزیر اعلی یوگی آدتیہ ناتھ کی قیادت میں منگل کو ہوئی کابینہ میٹنگ میں حکومت نےہجومی تشدد اور دیگر جرائم بشمول تیزاب حملہ وغیرہ کے متاثرین کو عبوری معاوضہ دینے کے فیصلے کے ساتھ ساتھ دھان خردیداری پالیسی کا اعلان کیاہے۔ ریاستی حکومت کے ترجمان و وزیر سدھارتھ ناتھ سنگھ نے میڈیا اہلکار کو کابینہ کے فیصلوں سے آگاہ کرتے ہوئے کہا کہ ہجومی تشدد اور تیزاب حملے کے متاثرین کو عبوری معاوضہ فراہم کئے جانے کا فیصلہ سپریم کورٹ کے فیصلے کے بعد کیا ہے۔

ناتھ نے بتایا کہ حکومت نے کرائم میں ابتدائی جانچ کے بعد ڈی ایم کی سفارش پر ملنے والی زیادہ سے زیادہ معاوضہ کی رقم کا 25 فیصدی رقم عبوری معاوضہ کے طور پر دینے کی اجازت دی ہے ۔ انہوں نے مزید کہا کہ معاوضہ کی ہر کرائم میں زمرہ بندی کی جائے گی۔

انہوں نے بتایا کہ حکومت نے اپنے دیگر فیصلے میں دھان خرید پالیسی کا اعلان کیا ہے۔حکومت نے اس بار 50 لاکھ میٹرک ٹن دھان خریدنے کا ہدف رکھا ہے۔ دھان خرید پالیسی کے تحت عام قسم کے دھان کی قیمت 1815 روئے فی کوئنٹل ہوگئی جبکہ گریڈ اے کی قیمت 1835 روپئے فی کوئنٹل ہوگی علاوہ ازیں کسان کو ٹرانسپورٹ اور صاف صفائی کی لاگت کے لئے 20 روپئے فی کوئنٹل دئے جائیں گے۔

سنگھ نے بتایا کہ لکھنؤ ڈویژن اور کچھ مغربی اضلاع میں دھان خریداری کا آغاز یکم اکتوبر سے ہوگا جو کہ 31 جنوری تک جاری رہے گا۔جبکہ ریاست کے بقیہ اضلاع میں دھان خریداری کا آغاز یکم نومبر سے ہوگا اور 29 فروری 2020 تک جاری رہے گا۔

کسی بھی دلال کی مداخلت کو روکنے کے لئے حکومت نے فیصلہ کیا ہے کہ 100 کوئنٹل سے زیادہ دھان کی فروخت کرنے والے کسان کو اضافی ثبوت فراہم کرنے ہوں گے۔انہوں نے کہا کہ گذشتہ سال کی طرح اس سال بھی کسان کا آدھار نمبر دئے جانے کے 72 گھنٹوں کے اندر دھان کی رقم ڈائرکٹ کسان کے اکاونٹ میں ٹرانسفر کردی جائےگی۔

ایک نظر اس پر بھی

متھرا : کرشن مندر کے لئے مسجد کے انہدام کا اعلان کرنے والے دیو مراری کے خلاف ایف آئی آر

 ایودھیا میں بابری مسجد کو شہید کرنے کے بعد فیصلہ مندر کے حق میں آنے کے بعد سے ایک طبقہ کے حوصلہ بلند نظر آ رہے ہیں اور اب ان کی نظریں ملک کی دیگر ان مساجد پر مرکوز ہیں جہاں تنازعہ کھڑا ہوتا رہا ہے۔

یوپی میں نظم و نسق کی حالت کافی خراب: مایاوتی

بہوجن سماج پارٹی (بی ایس پی) سپریمو مایاوتی نے اترپردیش میں نظم ونسق پر سوالیہ نشان کھڑے کرتے ہوئے کہا کہ ریاست میں جرائم پر کنٹرول اور نظم ونسق کے معاملے میں سابقہ سماج وادی پارٹی(ایس پی) اور برسراقتدار بی جے پی میں اب کوئی فرق نہیں رہ گیا ہے۔

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔