یوپی اسمبلی الیکشن: اویسی رواں ماہ چارجلسے کریں گے
لکھنو،15؍اکتوبر(آئی این ایس انڈیا) اتر پردیش میں ہونے والے اسمبلی انتخابات کے پیش نظر اب اے آئی ایم آئی ایم نے بھی میدان میں اترنے کی مشق شروع کر دی ہے۔ اس کی وجہ سے ، اب اے آئی ایم آئی ایم کے سربراہ اسد الدین اویسی نے بھی ریاست میں اپنی سرگرمی بڑھانے کا فیصلہ کیا ہے۔ اس کے لیے اب اویسی اکتوبر کے مہینے میں ہی 4 اضلاع میں جلسے کریں گے اور اترپردیش کے انتخابات میں اپنی پارٹی کو بہتر طریقے سے قائم کرنے کی کوشش کریں گے۔
قابل غور بات یہ ہے کہ اس سے پہلے بھی اویسی نے ریاست میں جلسہ عام کر کے بی جے پی حکومت پر شدید حملہ کیا تھا۔ ساتھ ہی ان پر اقلیتی برادری کے لیے کچھ نہ کرنے کا الزام لگاتے ہوئے کہا کہ اگر ہم حکومت میں آئیں گے تو سب کا خیال رکھا جائے گا۔