امریکہ: ریاست کولوراڈو میں فائرنگ، پولیس افسر سمیت 10 افراد ہلاک

Source: S.O. News Service | Published on 23rd March 2021, 1:04 PM | عالمی خبریں |

واشنگٹن، 23؍مارچ (ایس او نیوز؍ایجنسی) امریکی ریاست کولوراڈو کے شہر بولڈر میں نامعلوم شخص کے ذریعے کی گئی فائرنگ کے نتیجے میں 10 افراد ہلاک ہو گئے۔ ہلاک شدگان میں ایک پولیس افسر بھی شامل ہے۔ فائرنگ کا یہ واقعہ ایک سپر مارکیٹ میں پیش آیا۔ پولیس نے ایک مشتبہ شخص کو حراست میں لے لیا ہے۔

پولیس کا کہنا ہے کہ فائرنگ کنگ سپرمارکیٹ میں ہوئی جس میں اے آر پندرہ رائفل استعمال کی گئی۔ پولیس نے ایک شخص کو سپر مارکیٹ سے باہر نکالا جس کے ہاتھوں میں ہتھ کڑی لگی تھی اور وہ خون سے آلودہ تھا۔ بولڈر پولیس کمانڈر نے کہا کہ مشتبہ شخص کا علاج چل رہا ہے اور وہ فی الحال خطرہ سے باہر ہے۔

بولڈر کاؤنٹی کے اٹارنی مائیکل ڈوگرٹی نے کہا کہ واقعہ کی جانچ کی جا رہی ہے اور تاحال متاثرین کے کنبوں کو مطلع نہیں کیا گیا ہے، یہی وجہ ہے کہ ہلاک شدگان کے نام جاری نہیں کئے گئے ہیں۔ انہوں نے کہا کہ یہ سانحہ بولڈر کے لئے ایک برے خواب کی مانند ہے۔

بولڈر پولیس کے کمانڈر کیری یاماگوچی نے کہا کہ پولیس جانچ کر رہی ہے اور بولڈر کے کنگ شاپرز اسٹور میں فائرنگ کا مقصد فی الحال معلوم نہیں کیا جا سکا ہے۔ ایک عینی شاہد نے بتایا کہ سپر مارکیٹ میں فائرنگ کی آواز سن کر وہ بے تحاشہ بھاگنے لگا۔ اس دوران تین لوگ سپر مارکٹ کے اندر، دو پارکنگ اور ایک دروازے کے پاس گر پڑے۔

اس پورے واقعہ کی ویڈیو بھی سوشل میڈیا پر وائرل ہو رہی ہے، جس میں کئی لوگ زمین پر گرے ہوئے نظر آ رہے ہیں۔ فائرنگ کے بعد سپر مارکیٹ میں بڑی تعداد میں پولیس افسران تعینات ہیں۔ فائرنگ کے وقت سپر مارکیٹ کی چھت پر پولیس کے تین ہیلی کاپٹر اتار دئے گئے تھے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...