ہند-چین جنگ کی صورت میں امریکہ نے ہندوستان کی حمایت کا کیا اعلان

Source: S.O. News Service | Published on 7th July 2020, 2:22 PM | ملکی خبریں | عالمی خبریں |

نئی دہلی،7؍جولائی(ایس او نیوز؍ایجنسی) ہندوستان اور چین کے درمیان گلوان سرحد پر جاری تلخیوں کے بیچ وہائٹ ہاؤس کے ایک سرکردہ افسر نے اعلان کیا ہے کہ اگر ہندوستان اور چین میں جنگ جیسے حالات پیدا ہوتے ہیں تو امریکہ ہندوستان کی حمایت میں کھڑا ہوگا۔ افسر نے کہا کہ سرحدی تنازعہ کو لے کر ہند-چین جنگ کی صورت میں واضح طور پر امریکی فوج ہندوستان کا ہی ساتھ دے گی۔ وہائٹ ہاؤس کا کہنا ہے کہ چین کو ایشیا میں داداگری کرنے نہیں دیا جا سکتا اور اس کے خلاف اقدام کیے جائیں گے۔

قابل ذکر بات یہ ہے کہ وہائٹ ہاؤس کے ذریعہ مذکورہ بیان دیے جانے کے بعد امریکی صدر ڈونالڈ ٹرمپ نے بھی ایک ٹوئٹ کیا جس میں انھوں نے لکھا کہ چین کی وجہ سے امریکہ اور باقی دنیا کو زبردست خسارہ کا سامنا کرنا پڑا ہے۔ اس ٹوئٹ سے ظاہر ہے کہ وہ چین سے خوش نہیں ہیں اور اگر اس کے خلاف کسی طرح کا قدم اٹھانے سے وہ پیچھے بھی نہیں ہٹیں گے۔ ویسے صدر ٹرمپ پہلے بھی چین کے خلاف اپنی ناراضگی کا اظہار کر چکے ہیں اور کورونا وائرس کے پھیلاؤ کو لے کر بھی وہ چین کی پرزور تنقید کر چکے ہیں۔

بہر حال، وہائٹ ہاؤس کے چیف آف اسٹاف مارک میڈوز کے حوالے سے بتایا جا رہا ہے کہ انھوں نے ایک سوال کے جواب 'فاکس نیوز' کو بتایا کہ "ہمارا پیغام واضح ہے۔ ہم کھڑے ہو کر چین کو یا کسی اور کو سب سے طاقتور یا اثردار فورس ہونے کے ضمن میں کمان نہیں تھامنے دے سکتے، پھر چاہے وہ اس علاقہ میں ہو یا یہاں۔" امریکی بحریہ کے ذریعہ علاقے میں اپنی موجودگی کو بڑھانے کے لیے جنوبی چین کے سمندر میں دو آبدوز تعینات کیے جانے کے بعد افسر کا یہ بیان آیا ہے۔ میڈوز نے مزید کہا کہ "ہمارا مشن یہ یقینی کرنا ہے کہ دنیا یہ جانے کہ ہمارے پاس اب بھی دنیا میں قابل قدر طاقت ہے۔" اس درمیان میڈوز نے اپنے انٹرویو میں ہندوستان کے ذریعہ چینی ایپس پر پابندی عائد کیے جانے کی بھی تعریف کی۔

ایک نظر اس پر بھی

رائل سیما لفٹ اریگیشن پروجیکٹ: آندھرا کے خلاف تلنگانہ حکومت پہنچی سپریم کورٹ

 تلنگانہ حکومت اے پی حکومت کے رائل سیما لفٹ اریگیشن پروجیکٹ کے خلاف سپریم کورٹ سے رجوع ہوئی۔ حکومت نے عدالت عظمی سے خواہش کی کہ وہ اس پروجیکٹ کے احکام منسوخ کرے اور ٹنڈر کے عمل کو بھی روکا جائے۔

جموں۔کشمیرمیں آرٹیکل 370 کے خاتمہ کا ایک سال مکمل، ممکنہ احتجاجی مظاہروں کے پیش نظر انتظامیہ نےاحتیاطی طور پرحکم امتناعی نافذ کی

گزشتہ سال 5 اگست کو جموں و کشمیر کو مرکز کے زیر انتظام کرنے اور دیگر کئی اہم اقدامات نفاذ کرنے کےحکومت کے فیصلےکو ایک سال مکمل ہونے کے موقع پر ممکنہ احتجاجی مظاہروں کے پیش نظر انتظامیہ نے وادی کشمیر میں احتیاطی طور پرحکم امتناعی نافذ کردی ہے۔ تاہم ممبئی میں مقیم کشمیری طالب علم ...

کشمیر میں دوسرے روز بھی کرفیو جیسی پابندیاں

انتظامیہ کی جانب سے کرفیو ہٹائے جانے کے اعلان کے برعکس وادی کشمیر بالخصوص ضلع سری نگر کے تمام علاقوں میں بدھ کے روز بھی سخت ترین پابندیاں عائد رہیں اور سڑکوں پر سیکورٹی فورسز اور ان کی گاڑیوں کے سوا کوئی نظر نہیں آیا۔

بیروت کے دھماکوں میں چار ہزار سے زائد زخمی، 78 سے زائد ہلاک

لبنان کے دارالحکومت بیروت میں کل شام ہوئے متعدد تباہ کن دار دھماکوں نے بیروت اور اس کے پاس کے علاقوں کو ہلا کر رکھ دیا ہے۔مختلف ایجنسیوں کے مطابق ان دھماکوں کے نتیجے میں چار ہزار سے زیادہ افراد کے زخمی ہونے کی خبر ہے اور سینکڑوں عمارتوں کے تباہ ہونے کی خبر ہے ۔

دنیا میں کروونا سے 1.84 کروڑ افراد متاثر، 6.97 لاکھ افراد ہلاک

خوفناک اور جان لیوا عالمی وبا کورونا وائرس (کووڈ۔19) کا پھیلاؤ دنیا بھرمیں جاری ہے اور اس مہلک وائرس سے اب تک دنیا میں تقریباً 1.84 کروڑ افراد متاثر ہوچکے ہیں جبکہ اس کے انفیکشن کی وجہ سے تقریباً 6.97 لاکھ افراد ہلاک ہوچکے ہیں۔

اسپیس ایکس ڈریگن نے خلیج میکسیکو میں اتر کر تاریخ رقم کردی

ناسا اور اسپیس ایکس کاڈریگن کریو اینڈیور نے اتوار کی سہ پہر خلیج میکسیکو میں لینڈ کرکے تاریخ رقم کردی۔ اسپیس ایکس نے اپنے ٹویٹر ہینڈل پر اس سے منسلک ایک ویڈیو جاری کی ہے جس میں ناسا کے دو خلابازوں کو اسپلیش ڈاؤن (پیراشوٹ سے اترنے) کا مظاہرہ کرتے ہوئے دیکھا جاسکتا ہے۔خلائی جہاز ...