بھٹکل : مرکزی وزیر اننت کمار ہیگڈے نے اترکنڑا ضلع بی جے پی منشور کا کیا اجراء
بھٹکل:2/مئی (ایس او نیوز)12مئی کو ہورہے ودھان سبھا انتخابات کے پیش نظر بی جےپی نے اترکنڑا ضلع کے انتخابی منشور کو نجی ہوٹل میں منعقدہ پریس کانفرنس میں مرکزی وزیر اننت کمار ہیگڈے نے اجراء کیا۔
منشور کے اجراء کے بعد بات کرتے ہوئے مرکزی وزیر نے کہاکہ بی جے پی کا منشور صرف ایک اعلان نہیں ہے، یہ ہمارا وعدہ ہے۔ اترکنڑا ضلع کے جغرافیائی ماحول ، سماجی طبقات کو شمار کرتے ہوئے منشور تیار کیاگیا ہے۔ بی جے پی نے باغبانی ، ٹکنالوجی ، زراعت وغیرہ کے میدان میں کافی اہم رول اداکیاہے۔ اگلے دنوں میں بی جےپی اقتدار سنبھالتے ہی آپسی تعاو ن سے ضلع کو ترقی کی راہوں پر لے جانے کی بات کہی۔
حسب ِ معمول کانگریس پر تنقید کرتے ہوئے کہاکہ کانگریس کا منشور ایک لطیفے گوئی کی کتاب ہے، عوام کے آنکھوں میں دھول جھونکنے کاکام کیا جارہاہے۔ ضلع نگراں کاروزیر دیش پانڈے پر بھی انہوں نے تنقید کرتےہوئے کہاکہ ان کی غفلت سے ضلع میں بہت سارے کام نہیں ہوئے۔ بے شرم کانگریس کو اس مرتبہ انتخابی میدان سے نکل جانے کی مانگ کی۔
ہم ہماری تہذیب ، روایات کو تحفظ دینےو الے ہندو دھرم کے پابند ہیں۔ لیکن اس کو سیاسی مقاصد کے لئے استعمال نہیں کئے جانے کی بات کہی۔مودی کی قیادت والی مرکزی حکومت ترقی کو ترجیح دیتی ہے ، اس انتخابات میں بھی ہم لوگ ترقی کے نام پرہی ووٹ مانگیں گے۔ اس موقع پر آئی ٹی چھاپہ ماروں کے متعلق لگائے گئے الزامات کی تردیدکرتےہوئے کہاکہ آئی ٹی کی چھاپہ ماری کا سیاست سے کچھ بھی تعلق نہیں ہے۔
بی جےپی ضلع صدر کے جی نائک ، روی ہیگڈے، پرمود ہیگڈے ، ونود پربھو، ایم جی نائک، کرشنا ایسلے، وینکٹیش نائک، امیش نائک، بھٹکل بی جےپی امیدوار سنیل نائک، راجیش نائک، کرشنا نائک، شیوانی شانتارام وغیرہ موجود تھے۔
ضلع پنچایت کے سابق ممبر ایم ایم نائک ،نارائن نائک وغیرہ مرکزی وزیر اننت کمار ہیگڈےکی موجودگی میں بی جےپی میں شمولیت اختیار کی۔ خیال رہے کہ ایم ایم نائک اس سے قبل بی جے پی میں ہی تھے بعد میں وہ نکل گئے تھے اب دوبارہ پارٹی میں شامل ہوئے ہیں۔