شام: البوکمال میں فضائی بم باری، ایران نواز ملیشیاؤں کے 26 ارکان ہلاک

Source: S.O. News Service | By S O News | Published on 12th March 2020, 8:46 PM | عالمی خبریں |

دمشق،12مارچ(آئی این ایس انڈیا)شام میں عراق کی سرحد کے نزدیک البوکمال کے دیہی علاقے میں (عراقی ملیشیا) الحشد الشعبی اور دیگر ایران نواز ملیشیاؤں کے مراکز کو فضائی حملوں کا نشانہ بنایا گیا۔ الحسیان کے علاقے میں کی جانے والی کارروائی میں مذکورہ ملیشیاؤں کے 26 ارکان مارے گئے۔ یہ بات شام میں انسانی حقوق کے نگراں گروپ المرصد نے جمعرات کے روز بتائی۔اس سے قبل بدھ اور جمعرات کی درمیانی شب عراقی دارالحکومت بغداد کے شمال میں واقع التاجی کے فوجی اڈے پر 15 سے زیادہ راکٹوں کے ذریعے حملہ کیا گیا۔المرصد کے مطابق شام کے علاقے البوکمال میں امام علی اڈے اور الحسیان کے علاقے کو نشانہ بنانے کی کارروائی میں 3 لڑاکا طیاروں نے حصہ لیا۔ مذکورہ علاقوں میں کم از کم 10 زور دار دھماکے سنائی دیے گئے۔ ایرانی نواز ملیشیاؤں کی عسکری گاڑیوں اور ہتھیاروں کے گوداموں کو نشانہ بنانے والے طیاروں کی شاخت ابھی تک نامعلوم ہے۔مغربی اور مقامی ذرائع ابلاغ کے خیال میں البوکمال پر بم باری عراق میں التاجی کے اڈے کو نشانہ بنائے جانے کے جواب میں کی گئی۔

شام میں البوکمال کا شہر عراق کے ساتھ سرحد پر ایک تزویراتی گزر گاہ شمار کیا جاتا ہے۔ اس لیے کہ یہ ایران کے حمایت یافتہ گروپوں اور ملیشیاؤں کے لیے تزویراتی کُمک کے راستے پر واقع ہے۔ شامی حکومت کی فورسز کی سپورٹ کے لیے اس راستے کے ذریعے عراق سے باقاعدگی کے ساتھ امدادات ارسال کی جاتی ہیں۔اس کے ساتھ البوکمال شہر ایران کی جانب سے تہران سے بیروت تک پھیلی ہوئی راہ گزر پر بڑھتے کنٹرول کی کوششوں کے حوالے سے بھی فیصلہ کن اہمیت کا حامل ہے۔رواں سال کے آغاز کے بعد سے اسرائیل نے اس علاقے میں ایرانی فوجی اڈوں پر کئی مرتبہ حملہ کیا۔

واضح رہے کہ ایران کی حمایت یافتہ عراقی ملیشیا الحشد الشعبی نے 2017 کے اواخر میں دریائے فرات کے کنارے پھیلے شہر البوکمال کا کنٹرول داعش تنظیم سے چھین لیا تھا۔انٹیلی جنس ذرائع نے رائٹرز نیوز ایجنسی کو بتایا کہ سنی قبائل کی اکثریت والے علاقے البوکمال کا کنٹرول اس وقت الحشد الشعبی کے پاس ہے۔ الحشد ملیشیا یہاں بڑے پیمانے پر موجود ہے۔ اسی طرح الحشد نے عراق کی جانب سرحدی علاقے کا بڑا رقبہ اپنے کنٹرول میں کر لیا ہے۔
 

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...