اقوام متحدہ کے سیکرٹری جنرل کا غزہ پٹی میں جارحیت روکنے کا مطالبہ

Source: S.O. News Service | By Shahid Mukhtesar | Published on 6th May 2019, 4:53 PM | عالمی خبریں |

 دبئی   6مئی (ایس او نیوز/آئی این ایس انڈیا) اقوام متحدہ کے سیکرٹری جنرل انٹونیو گوتیرس نے فلسطینیوں اور اسرائیلیوں پر زور دیا ہے کہ وہ غزہ پٹی میں جارحیت کا سلسلہ فوری طور پر روک دیں اور پھر سے مفاہمت کی جانب واپس آئیں۔ ادھر امریکی صدر ڈونلڈ ٹرمپ نے امن کو یقینی بنانے کے حوالے سے اپنی امید کا اظہار کیا ہے۔اقوام متحدہ کے سیکریٹری جنرل نے ایک بیان میں کہا ہے کہ وہ غزہ پٹی میں سیکورٹی کی صورت حال کا قریب سے اور نہایت تشویش کے ساتھ جائزہ لے رہے ہیں۔ انہوں نے کہا کہ ماہ رمضان کے آغاز پر فریقین کے درمیان جارحیت کے مزید سنگین ہو جانے اور مزید جانی نقصان واقع ہونے کا خطرہ ہے۔گوتیرس نے فریقین پر زور دیا کہ وہ جذبات کو مکمل طور پر قابو میں رکھیں اور تحمل کا مظاہرہ کریں۔دوسری جانب امریکی صدر ڈونلڈ ٹرمپ نے کہا ہے کہ واشنگٹن اسرائیل کے اپنے شہریوں کے دفاع کے حق کی 100% حمایت کرتا ہے۔ انہوں نے کہا کہ اسرائیل کو راکٹ حملوں کا سامنا ہے۔پیر کے روز اپنی دو ٹویٹس میں ٹرمپ نے کہا کہ اسرائیل کے خلاف حملوں سے صرف غزہ پٹی کے باسیوں کی شامتِ اعمال میں اضافہ ہو گا۔ امریکی صدر نے غزہ پٹی کے لوگوں کو مخاطب کرتے ہوئے کہا کہ آپ لوگ تشدد کو ختم کریں اور امن کی خاطر کام کریں، ایسا ممکن ہے۔ہفتے کے روز سے جاری اسرائیلی بم باری اور حملوں کے نتیجے میں غزہ پٹی میں جاں بحق فلسطینیوں کی تعداد 25 کے قریب ہو چکی ہے جب کہ 90 سے زیادہ افراد زخمی ہوئے۔اسرائیل نے دعوی کیا ہے کہ اس نے غزہ پٹی میں حماس تنظیم کے داخلہ سیکورٹی کے ہیڈ کوارٹر کو تباہ کر دیا ہے جب کہ ذرائع کا کہنا ہے کہ حملوں میں تاریخی حیثیت کے حامل محل ’قصرِ حاکم‘ کو نشانہ بنایا گیا۔دوسری جانب فلسطینی گروپوں کے مشترکہ آپریشنز روم نے اعلان کیا ہے قابض اسرائیلی حکام کی جانب سے غزہ پٹی میں رہائشی عمارتوں کو نشانہ بنانے کے جواب میں عسقلان، اوفاکیم اور کریات جات پر راکٹ داغے گئے۔ اس کے نتیجے میں 5 افراد ہلاک اور متعدد زخمی ہوئے۔

ایک نظر اس پر بھی

جرمنی: سی ایس یو کی طرف سے پہلا مسلمان میئر اُمیدوار

اسلام اور جرمنی کی سیاسی جماعت کرسچن سوشل یونین کے مابین تعلقات کو ایک حساس اور مشکل موضوع تصور کیا جاتا ہے۔ لیکن اب اسی جماعت نے میئر کی سیٹ کے لیے ایک 37 سالہ مسلمان امیدوار اوزان ایبش کا انتخاب کیا ہے۔ اس مسلمان امیدوار کا انتخاب میونخ کے شمال میں واقع قصبے 'نوئے فارن‘ کی سی ...

کولمبیا میں حکومت مخالف مظاہروں میں جھڑپیں 

کولمبیا کے دارالحکومت بوگوٹا کی شاہراہوں پر حکومت مخالف مظاہروں میں پولیس اور مظاہرین کے درمیان جھڑپوں میں کم از کم چار افراد زخمی ہوگئے، جن میں سے تین پولیس اہلکار تھے۔ منگل کے روز بوگوٹا سٹی ہال میں 20 مظاہروں کی اطلاع دی گئی، جن میں سے بیشتر کو پر امن بتایا گیا۔

انڈونیشیا میں پل گرنے سے9 افراد دریا میں ڈوب کرہلاک؛ 17 کو بچالیا گیا

انڈونیشی جزیرے سماٹرا میں پیدل چلنے والے افراد کے لیے بنائے گئے پل کے گرنے سے نو افراد دریا میں ڈوب گئے ہیں۔ کسی حد تک کمزور پل دریا میں آنے والے زوردار سیلابی ریلے کو برداشت نہ کر سکا۔ اس سیلاب کی وجہ اتوار انیس جنوری کو ہونے والی زور دار بارش تھی۔

آسٹریلیا میں شدید ژالہ باری اور طوفان باد و باراں 

مختلف آسٹریلوی علاقوں کو آج زوردار طوفانِ باد و باراں کے ساتھ ساتھ شدید ژالہ باری کا سامنا رہا۔ انتہائی تیز ہوا، شدید بارش اور ژالہ باری نے لوگوں کو مالی نقصان پہنچایا ہے۔ کم از کم دو افراد ژالے لگنے سے زخمی ہوئے ہیں اور انہیں ہسپتال پہنچا دیا گیا ہے۔

روسی شہر پرم میں گرم پانی کی پائپ لائن پھٹنے سے پانچ افراد ہلاک

روسی شہر پَرم میں شدید گرم پانی کی پائپ لائن پھٹنے سے کم از کم پانچ افراد کے ہلاک ہونے کی تصدیق کر دی گئی ہے۔ کھولتا گرم پانی ایک ہوٹل کی بیسمنٹ کے کمروں میں داخل ہو گیا اور ان کمروں میں ٹھہرے افراد گرم پانی کی لپیٹ میں آ گئے۔ تین دوسرے افراد گرم پانی سے جھلس گئے ہیں اور انہیں ...