ورلڈ کپ فائنل میں اوور تھرو پر انگلینڈ کو پانچ کی بجائے چھ رن دینے پر امپائر دھرم سینا نے دیا بڑا بیان

Source: S.O. News Service | By Shahid Mukhtesar | Published on 22nd July 2019, 12:01 PM | اسپورٹس |

کولمبو،22؍جولائی (ایجنسی) سری لنکا کے تجربہ کار امپائر کمار دھرم سینا نے اعتراف کیا ہے کہ ورلڈ کپ فائنل میں آخری اوور میں اوورتھرو پر انگلینڈ کو پانچ کے بجائے چھ رن دینا ایک غلطی تھی لیکن انہیں اس فیصلے کا کبھی افسوس نہیں رہے گا۔ دھرم سینا نے سری لنکا کے اخبار سنڈے ٹائمز سے کہاکہ انگلینڈ کو چھ رن دینا ایک اجتماعی فیصلہ تھا اور میں نے یہ فیصلہ اسکوائر لیگ امپائر مرائس ارسمس سے بات چیت کرنے کے بعد لیا تھا اور ہماری بات چیت اس دن تمام میچ حکام نے سنی تھی۔

سری لنکائی امپائر نے ساتھ ہی کہا کہ یہ ایک غلطی تھی اور انہیں اس فیصلے کا کبھی افسوس نہیں رہے گا۔ انہوں نے کہاکہ لوگوں کے لئے ٹی وی پر ری پلے دیکھنے کے بعد تبصرہ کرنا کافی آسان ہے۔ میں اب جب ٹی وی پر ری پلے دیکھتا ہوں تو مجھے لگتا ہے کہ یہ ایک غلطی تھی لیکن ہمارے پاس میدان پر ری پلے دیکھنے کی کوئی سہولت نہیں ہوتی ہے۔

انہوں نے کہاکہ میں یہ واضح کرنا چاہتا ہوں کہ میں نے جو فیصلہ کیا اس کا مجھے کوئی افسوس نہیں رہے گا۔ آئی سی سی نے تو اس دن کئے گئے میرے فیصلے کی تعریف کی ہے۔واضح رہے کہ یہ واقع اس وقت پیش آیا جب انگلینڈ کے بین اسٹوکس دوسرا رن مکمل کرنے کیلئے وکٹ کی طرف بھاگ رہے تھے تو فیلڈر نے گیند تھرو کی جوا سٹوکس کے بیٹ سے لگ کر دوسری جانب چلی گئی اور گیند باؤنڈری کے پار ہو گئی۔

امپائر کی جانب سے انگلینڈ کو اوور تھرو کے چوکے اور بھاگ کر بنائے گئے دو رنز سمیت چھ رنز دیئے گئے ، جس کے بعد یہ بحث شروع ہو گئی کہ دوسرا رن مکمل نہیں ہوا تھا اور اس سے پہلے ہی گیند کھلاڑی کے بیٹ کو لگ گئی اس لیے پانچ رنز دیئے جانے چاہئے تھے ، لیکن ایک رن زیادہ دیدیا گیا ہے۔

ایک نظر اس پر بھی

جب گیند ہاتھ میں ہوتی ہے تو ایسا لگتا ہے کہ میں راجہ ہوں: محمد شامی

طویل انتظار کے بعد آخر کار انڈین پریمیر لیگ کا 13 واں سیزن 19 ستمبر سے متحدہ عرب امارات میں شروع ہونے جارہا ہے۔ کے ایل راہل کی قیادت میں کنگز الیون پنجاب کی نظرپہلی بار خطاب پر ہے۔ تاہم کنگز الیون پنجاب کے لئے فاسٹ بولر محمد شامی کی کارکردگی سب سے زیادہ اہم ہوگی۔ محمد شامی نے کہا ...

ای سی بی کو کورونا کی وجہ سے ہوا بڑا نقصان،20 فیصد ملازمتوں میں ہوگی کمی

کورونا وائرس کی وجہ سے گزشتہ6 ماہ میں کرکٹ کو بہت نقصان اٹھانا پڑا ہے۔ انگلینڈ اور ویلز کرکٹ بورڈ کی ٹیم چار ماہ بعد میدان میں واپس آئی، لیکن اس کے باوجود کووڈ کی وجہ سے ای سی بی معاشی طور پر سب سے زیادہ متاثر ہوا ہے۔ ای سی بی اپنے عملے میں 20 فیصد کمی کرے گا جو 62 ملازمتوں کے مترادف ...

آئی پی ایل 2020: کوچ کمبلے نے کہا: کرس گیل کا کردار اہم ہوگا

کنگز الیون پنجاب کی نظر انڈین پریمیر لیگ کے 13 ویں سیزن میں پہلی بار ٹائٹل جیتنے پر ہے۔ انیل کمبلے کنگز الیون پنجاب کی کوچنگ کررہے ہیں، جبکہ کے ایل راہل کی شاندار فارم کو دیکھتے ہوئے کپتانی کی ذمہ داری سونپی گئی ہے۔ انیل کمبلے نے انکشاف کیا ہے کہ رواں سیزن میں 41 سالہ کرس گیل کا ...

رونالڈو نے بین الاقوامی فٹ بال میں لگائی سنچری،عالمی ریکارڈ کے لیے مزید9 گول کی ضرورت

اسٹار اسٹرائیکر کرسٹیانو رونالڈو بین الاقوامی فٹ بال میں 100 گول اسکور کرنے والے دنیا کے دوسرے فٹ بالر بن گئے۔ منگل کو پرتگال کی نیشنل لیگ میں سویڈن کے خلاف 2-1 سے فتح کے دوران رونالڈو نے یہ کارنامہ انجام دیا۔35 سالہ رونالڈو نے فری کک پر 25 میٹر کے فاصلے سے ٹیم کا پہلا گول اسکور ...