برطانیہ میں گذشتہ 24 گھنٹے میں کرونا وائرس سے 786 اور نیویارک میں731 ہلاکتیں

Source: S.O. News Service | Published on 8th April 2020, 12:11 AM | عالمی خبریں |

لندن؍نیویارک،7؍اپریل (ایس او نیوز؍ایجنسی) برطانیہ اور امریکا کی ریاست نیویارک میں گذشتہ 24 گھنٹے میں کرونا وائرس سے ڈیڑھ ہزار سے زیادہ افراد ہلاک ہوگئے ہیں۔

برطانیہ کی وزارت صحت نے منگل کے روز ایک ٹویٹ میں بتایا ہے کہ کووِڈ-19 سے گذشتہ دو روز میں ہلاکتوں میں کمی کے بعد پھر اضافہ ہوگیا ہے اور ایک دن میں 786 نئی ہلاکتیں ہوئی ہیں۔

وزارت نے ٹویٹ میں کہا ہے کہ 6 اپریل کو شام پانچ بجے تک برطانیہ میں کرونا وائرس کے مثبت کیسوں میں سے 6159 کی موت واقع ہوچکی ہے۔سوموار کو اس نے ہلاکتوں کی تعداد 5373 بتائی تھی۔

ادھر امریکا کی ریاست نیویارک میں بھی گذشتہ 24 گھنٹے میں کرونا وائرس سے ریکارڈ 731 ہلاکتیں ہوئی ہیں۔

نیویارک کے گورنر اینڈریو کیومو نے صحافیوں کو بتایا ہے کہ ریاست میں مہلک وائرس سے مرنے والوں کی تعداد 5489 ہوگئی ہے۔اس سے پہلے جمعہ کو نیویارک میں کرونا وائرس سے سب سے زیادہ 630 ہلاکتیں ریکارڈ کی گئی تھیں۔

ایک نظر اس پر بھی

افغانستان میں طالبان کے حملہ میں 14 افغان فوجی ہلاک،متعدد زخمی

مشرقی افغانستان میں طالبان کے حملے میں 14 افغان فوجی ہلاک ہو گئے جبکہ افغان حکام کا کہنا ہے کہ وہ اب بھی سیز فائر کے سلسلے میں طالبان سے بات چیت کر رہے ہیں۔ طالبان نے پکتیا صوبے میں کیے گئے اس حملے کی ذمے داری قبول کر لی ہے اور اسے ایک دفاعی حملہ قرار دیا ہے البتہ انہوں نے اس کی ...

ہند۔چین ثالثی کیلئے ٹرمپ کی حیرت انگیز پیشکش

امریکی صدر ڈونالڈ ٹرمپ نے ہندوستان اور چین کے مابین جاری سرحدی تنازعہ میں ثالثی کی پیش کش کرتے ہوئے گذشتہ سال پاکستان کے ساتھ تنازعہ کی یاد تازہ کردی- انہوں نے اس وقت بھی یہی پیش کش کی تھی اور کہا تھا کہ اگر ہندوستان اور پاکستان چاہیں تو وہ مسئلہ کشمیر پر ثالثی کر سکتے ہیں -