برطانوی وزیر اعظم بورس جانسن بھی کرونا وائرس کا شکار ہوگئے

Source: S.O. News Service | Published on 28th March 2020, 6:17 PM | عالمی خبریں |

لندن،28؍مارچ (ایس او نیوز؍ایجنسی) برطانیہ کے وزیر اعظم بورس جانسن نے بتایا ہے کہ ان کے کرونا وائرس کے ٹیسٹ کا ریزلٹ مثبت آیا ہے اور وہ اب سیلف آئسولیشن میں ہیں مگر وہ اپنی ذمہ داریاں سر انجام دیتے رہیں گے۔

بورس جانسن کے دفتر کی جانب سے جاری کردہ ایک بیان میں کہا گیا کہ وزیر اعظم برطانیہ کو وائرس کی علامات سامنے آنے کے بعد چیف میڈیکل آفیسر نے ٹیسٹ کروانے کا مشورہ دیا تھا۔ بیان میں مزید بتایا گیا کہ بورس جانسن کو وزیر اعظم کی رہائشگاہ 10 ڈائوننگ سٹریٹ پر علیحدہ کردیا گیا ہے مگر وہ اپنی ذمہ داریاں انجام دیتے رہیں گے۔

بورس جانسن کے ٹویٹر اکائونٹ پر جاری کردہ ایک وڈیو میں ان کا کہنا تھا کہ انہیں بخار اور کھانسی کی شکایت تھی۔ ان کا کہنا تھا کہ "میں جدید ٹیکنالوجی کی مدد سے کرونا وائرس کے خلاف برطانیہ کی جنگ میں لڑنے کے لئے اپنی ٹیم کے ساتھ رابطے میں رہوں گا۔"

خیال رہے کہ اس سے قبل برطانوی شہزادہ چارلز میں بھی کرونا وائرس کی تصدیق ہوئی تھی۔ برطانیہ میں کرونا وائرس سے اب تک 578 افراد جاں بحق ہوچکے ہیں جبکہ 11 ہزار سے زائد افراد متاثر ہیں۔

ایک نظر اس پر بھی

کورونا: جرمنی کو پیچھے چھوڑ ساتویں مقام پر پہنچا ہندوستان، 24 گھنٹے میں 230 اموات

  ملک میں كورونا وائرس کے نئے کیسز میں دن بہ دن ہو رہے اضافہ سے متاثرین کی کل تعداد 1.90 لاکھ سے تجاوز کر گئی ہے اور ہندوستان سب سے زیادہ متاثر ممالک کی فہرست میں فرانس اور جرمنی کو پیچھے چھوڑ کر ساتویں مقام پر پہنچ گیا ہے۔

افغانستان میں طالبان کے حملہ میں 14 افغان فوجی ہلاک،متعدد زخمی

مشرقی افغانستان میں طالبان کے حملے میں 14 افغان فوجی ہلاک ہو گئے جبکہ افغان حکام کا کہنا ہے کہ وہ اب بھی سیز فائر کے سلسلے میں طالبان سے بات چیت کر رہے ہیں۔ طالبان نے پکتیا صوبے میں کیے گئے اس حملے کی ذمے داری قبول کر لی ہے اور اسے ایک دفاعی حملہ قرار دیا ہے البتہ انہوں نے اس کی ...