کاروار: سیلاب کے بعدراحت کاری کا کام بہت ہی اہم اور ضرور ی ہے افسران صبر و تحمل اور ایمانداری سے اپنے کاموں کو انجام دیں : ضلع نگراں کار سکریٹری منیش مڈگل
کاروار:14؍اگست (ایس اؤ نیوز) اب جب کہ سیلاب کنڑول میں ہے، ڈیموں میں پانی کی سطح بھی کم ہوتی جارہی ہے تو اس کے بعد والے بازآبادکاری کے کام بہت ہی اہم اور ضروری ہیں ، افسران آپسی تال میل ، تعاون سے تمام کاموں کو خوش اسلوبی سے انجام دینے کی ضلع نگراں کار سکریٹری منیش مڈگل نے افسران کو ہدایات دیں۔
وہ یہاں ڈی سی دفتر ہال میں ضلع سطح کےسبھی نوڈل افسران کی میٹنگ میں بات کررہےتھے۔ انہوں نے کہاکہ بارش اور سیلاب سے بے شمار جائیدادوغیرہ کو نقصان پہنچا ہے، افسران ایماندای سے کام کرتے ہوئے متاثرین کے ساتھ تحمل اور صبر کا رویہ اپنائیں،خاص خیال رکھیں کہ متاثرین کو کوئی تکلیف نہ پہنچے ، سیلاب کے بعد والے کاموں میں تیزی لائیں۔ کام کے دوران افسران آپسی تال میل اور ایک دوسرے کے ساتھ بہتر تعاون کریں تاکہ متاثرین کو جلد راحت ملے۔ اس سلسلے میں کوئی مسئلہ پیدا ہونےنہ پائیں اس پر دھیان رکھنے کی منیش مڈگل نے ہدایت دی۔
انہوں نے افسران کو بتایا کہ راحت کاری اور بازآبادکاری کے لئے پیسے کی کوئی کمی نہیں ہے ، متاثرین اورجانوروں کو ضروری سہولیات مہیا کریں۔ ہرایک بازآبادکاری مرکز میں غذا کی ذخیرہ اندوزی کی گئی ہے ، چاول، گہیوں ، تیل ، ترکاری ، گیس سلینڈر وغیرہ پہلے سے ہی تیار کرلیں ،تاکہ کسی طرح کی کوئی کمی نہ ہو ۔ جانوروں کے لئے الگ سے شیڈ بنائیں اور چارہ جمع رکھیں اور ان کے لئے بھی دوائی وغیرہ کا انتظام پہلے سے کرلیں۔
محکمہ زراعت کے جوائنٹ ڈائرکٹر نے میٹنگ میں بتایا کہ کہ ضلع کے 504دیہات کی 9908.20ہیکڑ زمین زیر آب ہے ، قریب 5599.02500لاکھ روپیوں کا نقصان ہواہے۔ تعلیمات عامہ کے ڈی ڈی پی آئی نے بتایا کہ ضلع میں 265اسکولوں کو نقصان پہنچا ہے ، سڑک ٹوٹنے سے رابطہ منقطع ہوئے دیہاتوں کے اسکولوں اور گنجی کیندر بنائے گئے اسکولوں میں چھٹی جاری رہنے کا حکم دیاگیا ہے۔ بقیہ اسکول منگل سے شروع ہو نے کی جانکاری دی۔ میٹنگ میں ڈی سی ڈاکٹر ہریش کمار، اپر ڈی سی ناگراج سنگریر سمیت سبھی نوڈل افسران موجود تھے۔