اڈپی : دو برقعہ پوش خواتین نے جیویلری شاپ سے اڑائیں 3 لاکھ روپے مالیت کی 4 چوڑیاں
اڈپی، 25؍ نومبر (ایس او نیوز) اڈپی میں واقع 'سلطان ڈائمنڈس اینڈ گولڈ' نامی زیورات کی دکان سے 3 لاکھ روپے مالیت کی 60 گرام وزنی 4 سونے کی چوڑیاں چرائے جانے کا معاملہ سامنے آیا ہے ۔
جیویلری شاپ کے منیجر محمد اجمل کی جانب سے ٹاون پولیس اسٹیشن میں درج کروائی گئی شکایت کے مطابق دو برقعہ پوش خواتین گاہک بن کر اس کی دکان میں داخل ہوئیں اور محمد مبارک نامی سیلس مین سے سونے کی چوڑیاں دکھانے کو کہا ۔ سیلس مین نے انہیں مختلف چوڑیاں دکھائیں جس کے دوران دونوں خواتین نے سلیس مین کا دھیان ہٹاتے ہوئے 4 چوڑیاں غائب کردیں جس کی مالیت 3 لاکھ روپے ہوتی ہے ۔
پولیس نے شکایت درج کرلینے کے بعد تحقیقات شروع کی ہے ۔