اڈپی میں پیش آیا سیریل ایکسیڈنٹ ۔ کار نے ماری موٹر بائکس کو ٹکر۔ 3افراد ہوئے زخمی
اڈپی، یکم ؍ستمبر (ایس او نیوز) اڈپی کے کلماڈی جنکشن پر پیش آئے سیریل سڑک حادثے میں تین افراد زخمی ہوگئے ہیں جنہیں علاج کے لئے اسپتال میں داخل کیا گیا ہے۔
موصولہ رپورٹ کے مطابق اڈپی سے ملپے کی طرف جانے والی ایک کار نے یکے بعد دیگرے تین موٹر سائیکلوں کو ٹکر ماردی۔تینوں موٹر بائکس پر سوار افراد زخمی ہوگئے اور ان کو علاج کے لئے منگلورو اسپتال میں داخل کرنا پڑاہے۔زخمی بائک سواروں کی شناخت پرشانت، دیانند اور سریش کے طور پر کی گئی ہے۔حادثے کا سبب بننے والی کار کے ڈرائیور کا نام سوکیش بتایا جاتا ہے جو کہ کنداپور کا رہنے والا ہے۔مپلے پولیس نے موقع پر پہنچ کر معائنہ کیا اور کیس درج کرلیا ہے۔