اڈپی ضلع میں 90پوزیٹیو معاملات۔کورو نا سے ہوئی چوتھی موت۔ کچھ ہوٹل کیے گئے سیل ڈاؤن۔کنداپور میں دوپہر 2بجے سے لاک ڈاؤن

Source: S.O. News Service | Published on 12th July 2020, 2:21 PM | ساحلی خبریں |

اڈپی،12/جولائی (ایس او نیوز) اڈپی ضلع میں کل سنیچر کے دن جملہ 90افراد کی کووِڈ رپورٹ پوزیٹیو آئی ہے۔اسے ضلع میں پھر سے اچانک کورونا وباء کے اچھال کے طور پر دیکھا جارہا ہے۔اس طرح ضلع میں اب تک متاثرین کی تعداد بڑھ کر 1,567ہوگئی ہے۔

اسی دوران آج خبر ملی ہے کہ داونگیر ے کا رہنے والا ایک72سالہ شخص یہاں کوروناکی وجہ سے فوت ہوگیا ہے، جس کے ساتھ ہی اڈپی ضلع میں وباء سے مرنے والوں کی تعداد 4ہوگئی ہے۔

ان پوزیٹیو معاملات میں مہاراشٹرا کے علاوہ کرناٹکا کے مختلف اضلاع سے واپس لوٹے ہوئے لوگ شامل ہیں۔اڈپی تعلقہ میں 66،کنداپور تعلقہ میں 20،کارکلا تعلقہ کے4لوگ متاثرین میں شامل ہیں۔بیندور میں کورونا کے 12نئے معاملے درج کیے گئے ہیں۔برہماور تعلقہ کے کوٹا میں 8افراد کی رپورٹ پوزیٹیو آئی ہے۔

اڈپی شہر میں کورونا کے بڑھتے معاملات کے ساتھ بعض ہوٹل مالکان اور وہاں کے ملازمین کے اندر کووِڈ مرض پوزیٹیو آنے کے بعد ان ہوٹلوں کو سیل ڈاؤن کردیا گیا ہے۔بعض ہوٹل مالکان نے خود اپنی مرضی سے ہوٹلوں کو لاک ڈاؤ ن کردیا ہے۔اس کی وجہ سے عوام کے اندر خوف اور تشویش بھی پید اہوگئی ہے۔

ادھر کنداپور میں کورونا پر کنٹرول پانے کی نیت سے دوپہر 2بجے کے بعد روزانہ مکمل لاک ڈاؤن کی ہدایات جاری کردی گئی ہیں۔یہ لاک ڈاؤن13 جولائی سے31جولائی تک جاری رہے گا۔

ایک نظر اس پر بھی

ساحلی کرناٹکا میں موسلادھار بارش؛ انکولہ ۔یلاپور ہائی وے پانی میں ڈوب گیا؛ چلتی کار پرردرخت گرنے سے کاروار کا ایک شخص ہلاک؛ ہوناور کے ولکی میں پانی کمپاونڈوں میں گھس گیا

ساحلی کرناٹکا میں گذشتہ تین چار دنوں سے زوردار بارش کا سلسلہ جاری ہے جس کے نتیجے میں مختلف علاقوں سے نقصانات کی خبریں آرہی ہیں۔  یلاپور سے ملی اطلاع کے مطابق زبردست بارش کے نتیجے میں انکولہ۔یلاپور ہائی وے  پانی میں ڈوب  گیا ہے۔ یہ سڑک بند ہوجانے سے   انکولہ۔ ہبلی نیشنل ہائی ...

بھٹکل: مرڈیشور میں علاج نہ ملنے سے مریض کی موت۔ ڈاکٹر کے خلاف کارروائی کے لئے اے سی کو دیا گیا میمورنڈم

دل کا دورہ پڑنے پر مریض کو کورونا وباء کے شک میں مرڈئشور سرکاری اسپتال میں علاج کی سہولت فراہم نہ کرنے سے موت واقع ہونے کا الزام لگاتے ہوئے مریض کے گھروالوں کے علاوہ مقامی افراد نے بھٹکل اسسٹنٹ کمشنر کو میمورنڈم دیا جس میں سرکار ی ڈاکٹر کے خلاف قانونی کارروائی کا مطالبہ کیاگیا ...

کاروار؛ شمالی کینرا میں چار طلبہ نے پاس کیا سول سروس امتحان؛ ضلع میں پہلی مرتبہ 2لڑکیوں کو بھی ملی کامیابی

یونین پبلک سروس کمیشن(یو پی ایس سی) کے تحت منعقد کیے جانے والے امتحان میں امسال شمالی کینرا سے کُل 4طلبہ نے کامیابی حاصل کی ہے۔ جس میں شمالی کینرا کی تاریخ میں پہلی مرتبہ 2لڑکیاں بھی شامل ہیں۔

بھٹکل میں طوفانی ہواوں کے ساتھ زوردار بارش؛ کئی درخت اُکھڑ گئے، الیکٹرک ٹرانسفارمر سمیت کئی کھمبوں کو نقصان؛ بجلی کی انکھ مچولیاں

بھٹکل میں آج منگل صبح سے طوفانی ہواوں کے ساتھ زور دار بارش کے نتیجے میں کئی علاقوں میں درختوں کے اُکھڑنے کے ساتھ ساتھ بجلی کے کھمبوں کے گرنے اور کئی مقامات پر الیکٹرک ٹرانسفارمر کو نقصان پہنچنے کی اطلاعات موصول ہوئیں جس کی وجہ سے پورا دن  بجلی کی انکھ مچولیاں جاری رہیں۔

بھٹکل میں پرائمری کوویڈ کیئر سینٹرکا خوبصورت افتتاح؛ اب سانس لینے میں تکلیف یا اکسیجن میں کمی پائی جانے پربھٹکل میں ہی فوری ابتدائی علاج ممکن

کوویڈ وبا کے بعد حال ہی میں کئی لوگوں کو سانس لینے میں تکلیف اوربدن میں اکسیجن کی کمی کی وجہ  سے مینگلور شفٹ کیا گیا تھا، بعض لوگوں نے اس دوران  دم بھی توڑ دیا، جبکہ کئی لوگ  صحت مند ہوکر واپس آنے میں کامیاب ہوگئے،  ایک طرف عوام کورونا کے بڑھتے معاملات سے پریشان ہیں تو وہیں ...

بھٹکل: ایم ایل اے سنیل نائک کے ہاتھوں سرکاری فرسٹ گریڈ کالج کا سنگ بنیاد

بھٹکل میں سرکاری فرسٹ گریڈ کالج کی اپنی کوئی عمارت نہیں تھی اور اب تک کرایے کی عمارت میں طلبہ کی پڑھائی انجام دی جارہی ہے۔ اس کالج کی اپنی عمارت کے لئے منظور شدہ سرکاری منصوبہ کافی عرصے سے التوا میں پڑا ہوا تھا۔اب بھٹکل جالی پنچایت کے تلگیرے میں 6.7 ایکڑ زمین پر فرسٹ گریڈ کالج ...