اڈپی کرشنا مٹھ کے مقدس تالاب میں حادثاتی طور پر ایک شخص ہوا غرقاب
سولیا11/فروری (ایس او نیوز) اڈپی کے کرشنا مٹھ کے احاطے میں واقع مقدس تالاب میں حادثاتی طور پر غرقاب ہونے سے ایک شخص کی موت واقع ہوئی ہے۔
سمجھا جاتا ہے کہ چینئی کے رہنے والا کیپٹن جی سریدھرن (62سال)نامی بزرگ شخص سیاحت پر یہاں آیا ہواتھا۔شاید رات کے چار بجے کے قریب سریدھرن نے ’مادھو سروور‘ نامی تالاب میں غسل کی ڈبکی لگانے کی کوشش کی ہوگی او ر پیر پھسل جانے سے غرقاب ہوا ہوگا۔ شاید تیراکی سے ناواقف ہونے کی وجہ سے اس کا دم گھٹ جانے سے اس کی موت واقع ہوئی ہوگی۔
اڈپی ٹاؤن پولیس اسٹیشن میں غیر فطری موت کا کیس درج کرلیا گیا ہے۔