اڈپی: گھر میں تنہا رہنے والی بزرگ خاتون کے قتل اور زیورات لوٹنے والے ملزمین گوا سے ہوئے گرفتار

Source: S.O. News Service | Published on 11th July 2019, 12:03 PM | ساحلی خبریں |

اڈپی 11/جولائی (ایس او نیوز) سبرامنیا نگر میں واقع اپنے گھرمیں تنہا رہنے والی80 سالہ بزرگ خاتون رتنا وتی جی شیٹی کا قتل کرنے اور اس کے بدن سے زیورات لوٹنے کے بعد فرار ہونے والے ملزمین کو پولیس نے گوا سے گرفتار کرلیا ہے۔ خیال رہے کہ5جولائی کو لیلاوتی شیٹی کی سڑی ہوئی لاش اس کے گھر سے برآمد ہوئی تھی۔

پولیس نے قتل اور لوٹ کے معاملے میں جن ملزمین کو گرفتار کیا ہے ان کے نام دھارواڑ کے نرگنڈا کے رہنے والے امبنّا عرف امبریش عرف امبنّا جاڈر عرف شیو(31سال) ااور اس کی بیوی رشیدہ عرف قاضی عرف جیوتی(26سال)بتائے ہیں۔ 

اس واردات کی جو تفصیلات موصول ہوئی ہیں اس کے مطابق رتناوتی شیٹی اپنے گھر کے احاطے میں چار کمرے کرایے پردیا کرتی تھی۔ دو کمروں میں کرایہ دار پہلے سے موجود تھے مگر چند دن پہلے وہ لوگ اپنے آبائی گاؤں گئے ہوئے تھے۔ اس قتل کے ملزمین شیوا ور رشیدہ کمرہ کرایے پر لینے کے لئے یک جولائی کو رتناوتی کے گھر پہنچے۔ اس تعلق سے انہوں نے گھنٹوں رتناوتی کے ساتھ اس کے گھر میں بیٹھ کر گفتگو کی۔ اس دوران ان دونوں کی نظر اس کے بدن پر موجود سونے کے زیورات پڑی اور انہوں نے کمرہ کرایے پر لے لیا۔پھر دونوں ملزمین نے رتناوتی شیٹی کے پاس بہت زیادہ سونا ہونے گمان کرتے ہوئے دوسرے دن2جولائی کو دوپہر کے وقت اس کا قتل کردیا۔اور اس کے بدن پر موجود 2لاکھ روپے مالیت کے زیورات لوٹ کر گھر بند کرکے چلے گئے۔ 

5جولائی کو جب رتناوتی کی سڑی ہوئی لاش گھر سے برآمد ہوئی تو پولیس نے کیس درج کرنے کے بعد تحقیقات کا آغاز کیا۔ پھر جب انہیں اولڈ گوا  کے علاقے میں ملزمین کے موجود ہونے کی بات معلوم ہوئی تو گوا پولیس کے ساتھ رابطہ قائم کرکے انہیں گرفتار کرنے کے لئے کہا۔ اس کے بعد اڈپی پولیس ٹیم نے گوا پہنچ کر ملزمین کو اپنی تحویل میں لیا۔پولیس کا کہناہے کہ عدالت میں پیش کرنے کے بعد ان دونوں کو پولیس کسٹڈی میں لیا گیا ہے۔ ملزمین نے اپنے جرم کا اقرار کیا ہے۔ لوٹے گئے زیورات ابھی ملزمین سے بر آمد کرنا باقی ہے۔

ملزم امبریش کے بارے میں معلوم ہوا ہے کہ ہبلی، بیجاپور، بادامی، کوور منگلورو جیسے ریاست کے مختلف مقاما ت پر اس کے خلاف چوری اور لوٹ کے معاملات درج ہیں۔قتل اور لوٹ کے بعد مفرور ملزمین کی گرفتاری کی اس مہم کو ایس پی نیشا جیمز اور اے ایس پی کماراچندرا کی نگرانی میں اڈپی سرکل انسپکٹر منجو ناتھ اور ملپے پولیس اسٹیشن اور ڈی سی بی آئی کے افسران نے انجام دیا۔    
 

ایک نظر اس پر بھی

انجمن ِ اسلام اور اترکنڑامسلم تنظیموں کی جانب سے ہبلی میں حج بھون تعمیرکا مطالبہ : میمورنڈم

ریاست کرناٹکا کے 9اضلاع پر مشتمل شمالی کرناٹکا کے لئے ہبلی میں حج بھون تعمیر کا مطالبہ لےکر دھارواڑ ضلع انجمن ِ اسلام کے ممبران سمیت دیگر مسلم تنظیموں کے عہدیداران نے اترکنڑا ضلع انتظامیہ کی جانب سے اترکنڑا ضلع اپر ڈپٹی کمشنر ناگراج سنگریر کو میمورنڈم سونپا۔

اُترکنڑا میں صبح سے زبردست بارش؛ سداپور میں چلتی بائک پر درخت گرنے سے فوریسٹ آفسر ہلاک؛ انکولہ میں ریلوے پٹری پر چٹان کھسکنے سے کچھ گھنٹوں کے لئے سروس متاثر

اُترکنڑا میں ضلعی انتظامیہ کی جانب سے ریڈ الرٹ جاری کرنے کے بعد آج منگل کو صبح چھ بجے سے صبح آٹھ بجے تک زبردست بارش ہوئی جس کے نتیجے میں بعض علاقوں سے نقصانات کی بھی خبریں آرہی ہیں۔  بارش  کے تیز تیور دیکھتے ہی   ڈپٹی کمشنر نے  صبح اسکول کھلنے سے قبل ہی تمام اسکولوں اور ...

منگلورو۔بنگلوروٹریک پرچٹان توڑنے کا کام مسلسل جاری۔ دن کے وقت چلنے والی ریل گاڑیاں 24جولائی تک کے لئے منسوخ

انی بندا کے قریب سبرامنیا سکلیشپور ریلوے ٹریک پر ایک بڑی چٹان لڑھکنے کا خطرہ پیدا ہوگیا تھا۔ اس حادثے کو روکنے کے لئے پہاڑی تودے کو دھماکے سے توڑنے کاکام پچھلے دو تین دن سے جاری ہے جس کے لئے ہیٹاچی مشین کے کامپریسر اور بارود کا استعمال کیا جارہا ہے۔ لیکن تیز برسات کی وجہ سے دن ...

منگلورومیں بارش کا قہر۔ چٹانیں کھسکنے، درخت اور بجلی کے کھمبے اکھڑنے سے مکانات اور موٹر گاڑیوں کو پہنچا نقصان۔ ضلع انتظامیہ نے جاری کیا ریڈ الرٹ

پچھلے چار پانچ دنوں سے ضلع شمالی کینرا میں جاری تیز بارش کی وجہ سے بھاری نقصانات کی خبریں مل رہی ہیں۔ چونکہ محکمہ موسمیات نے 27جولائی تک تیز بارش کا سلسلہ جاری رہنے کی پیشین گوئی کی ہے اس لئے ضلع انتظامیہ نے ریڈالرٹ جاری کیا ہے۔

ساحلی کرناٹکا میں موسلادھار بارش کا سلسلہ جاری؛ اُترکنڑا میں ریڈ الرٹ؛ ساگرروڈ پر غیر قانونی باکڑوں کو نہ ہٹانے کے پیچھے کیا راز ؟ مینگلور اور اُڈپی میں منگل کو اسکولوں اور کالجوں میں چھٹی

ساحلی کرناٹکا بشمول اُتر کنڑا، اُڈپی اور دکشن کنڑا میں  اتوار سے  جاری زوردار بارش کا سلسلہ آج پیر کو بھی جاری رہا جس سے  کئی علاقوں میں راستے تالاب میں تبدیل ہوگئے،  اس درمیان  محکمہ موسمیات کی جانب سے  بتایا گیا ہے کہ  کل اتوار کو بھٹکل میں جو زبردست بارش ہوئی، اُس کی ...