اڈپی،19؍ جنوری (ایس او نیوز) متسیا گندھا لوک مانیہ تلک ایکسپریس میں منگلورو سے سفر کرنے والے ایک مسافر کی طرف سے حملہ اور دھمکی دئے جانے کی شکایت ملنے پر منی پال پولیس نے کیس درج کرلیا ہے۔

ذرائع سے ملی اطلاع کے مطابق یلاپور کا رہنے والا کرن مہادیو بورکرنے پولس کو بتایا کہ ٹرین جب منگلورو سے نکلی تو وہ اس میں سوار تھا ۔ جب ٹرین سورتکل سے آگے بڑھی تو چیسٹن ایناس باریٹو نامی ایک مسافر نے ریزرویشن  کے معاملہ پر اس کے ساتھ تکرار شروع کردی، گالی گلوچ کرنے کے علاوہ دھمکیاں بھی دینے لگا ۔ جب کرن بورکر ریلوے پولیس کے پاس اس بات کی شکایت کرنے کے لئے اڈپی اسٹیشن پر اترنے کی کوشش کی تو باریٹو نے اس کا راستہ روکا اور ہاتھوں اور پیروں سے اسے پیٹنا شروع کیا۔ 

کرن کی شکایت پر منی پال پولیس نے آئی پی سی کی دفعہ 341، 323، 504 ، 506 کے تحت کیس درج  کرلیا ہے۔