اڈپی : کورگا کی تقریب پر پولیس دھاوا کا معاملہ۔ ہوم منسٹر نے دلایا سی او ڈی تحقیقات کا بھروسہ ۔ متاثرین کو 2 لاکھ روپے معاوضہ کا تیقن ۔ نیشنل کمیشن فار ویمن نے ایس پی سے طلب کی معاملہ کی وضاحت

Source: S.O. News Service | By I.G. Bhatkali | Published on 1st January 2022, 8:46 PM | ساحلی خبریں | ریاستی خبریں |

اُڈپی : یکم جنوری (ایس او نیوز) کوٹاتھٹو کورگا کالونی میں منعقدہ مہندی  کی تقریب کے دوران کوٹا پولیس کی طرف سے دھاوا بولنے اور دولھا سمیت مہندی تقریب میں موجود کورگا کمیونٹی کے لوگوں پر لاٹھی چارج کا معاملہ دن بدن نئے پہلو بدل رہا ہے ۔      تازہ ترین صورت حال یہ ہے کہ ریاستی وزیر داخلہ  ارگا۔گیانیندرا  نے خود ہی متاثرین کے  علاقہ میں پہنچ کر لاٹھی چارج کا شکار ہونے والوں کو حکومت کی طرف سے 2 لاکھ روپے معاوضہ دینے اور اس معاملہ کی تحقیقات سی او ڈی سے کروانے کا اعلان کیا  ۔ دوسری طرف نیشنل کمیشن فار ویمن نے اُڈپی ضلع سپرنٹنڈنٹ آف پولیس سے اس معاملہ کی وضاحت طلب کی ہے ۔ 

    یاد رہے کہ اس سے قبل اس واقعہ کے خلاف دلت اور دیگر سماجی لیڈران کی طرف سے سخت احتجاج کے بعد اعلیٰ افسران کی طرف سے لاٹھی چارج کروانے والے کوٹا پولیس سب انسپکٹر کو معطل کیا جاچکا ہے اسی طر ح ر پانچ اہلکاروں کا تبادلہ کیا جا چکا ہے ۔ اس دوران  پولیس والوں کی جانب سے کورگا کمیونٹی کے ان افراد کے خلاف بھی کاونٹر کمپلینٹ داخل کی گئی ہے جنہوں نے مہندی کی تقریب منعقد کی تھی ۔  اس وجہ سے کورگا طبقہ میں خوف و ہراس کا ماحول پیدا ہوگیا ہے ۔

    ہوم منسٹر ارگا۔ گیانیندرا نے لاٹھی چارج  کی زد میں آنے والے راجیش کے گھر جا کر اس کی خیریت دریافت کی اور گھر والوں کی ہمت بندھاتے ہوئے کہا :" کسی کو بھی خوف زدہ ہونے کی ضرورت نہیں ہے ۔ متعلقہ پی ایس آئی کو معطل اور دیگر کو ٹرانسفر کر دیا گیا ہے ۔ تحقیقات کے بعد ان لوگوں کے خلاف کارروائی کی جائے گی ۔ لگ رہا ہے کہ پولیس کی طرف سے درج کی گئی  شکایت جھوٹی ہے ۔  اس لئے راجیش کے گھر والوں میں سے کسی کو بھی خوف زدہ ہونے کی کوئی ضرورت نہیں ہے ۔ حکومت آپ لوگوں کے ساتھ ہے ۔"

    ہوم منسٹر نے مزید کہا : "کوٹا سب انسپکٹر نے 27 دسمبر کو اس معاملہ سے اپنے اعلیٰ افسران کو لاعلم رکھا تھا ۔ چونکہ اس نے اپنے آپ کو سب سے اعلیٰ سمجھ لیا تھا ، اس لئے معاملہ بد سے بدتر ہوگیا ۔ سماج میں امن بنائے رکھنے اور مجرموں کو کنٹرول کرنے کے لئے پولیس محکمہ موجود ہے ۔ خود پولیس والوں کو غنڈوں اور موالیوں کی طرح برتاو نہیں کرنا چاہیے ۔ عوام کی حفاظت کرنے کے لئے ریاست میں ایک لاکھ پولیس والے موجود ہیں ان میں سے بعض اہلکار  کوٹا پولیس سب انسپکٹر قسم کے بھی ہوتے ہیں ۔" 

    وزیر داخلہ اراگا نے نئے شادی شدہ جوڑے کو مبارکباد دیتے ہوئے کہا :" میں خود بھی کورگا طبقہ کے لوگوں کے ساتھ پلا بڑا ہوں ۔ مجھے ان کا دکھ معلوم ہے ۔  سماج کے سب سے نچلے پائیدان پر رہنے والا یہ بے قصور طبقہ شاذ و نادر ہی مہندی جیسی تقریبات منعقد کرتا ہے ۔ اس واقعہ سے پوری کورگا برادری صدمہ میں ہے ۔  اس دن لاٹھی چارج  سے متاثر ہونے والوں کو حکومت دو لاکھ روپے معاوضہ ادا کرے گی ۔"

    وزیر داخلہ کے ساتھ دورے پر آئے ہوئے وزیر کوٹا سرینواس پجاری نے کہا :" آج خود حکومت چل کر کورگا برادری کے دروازوں تک آئی ہے ۔ حکومت متاثرہ خاندان کو انصاف دلانے کی پابند ہے ۔ میں دوبارہ اس مسئلہ پر وزیر اعلیٰ سے گفتگو کروں گا ۔"

    اس موقع پر ڈپٹی کمشنر کورما راو، ایس پی وشنو وردھن، فوڈ اینڈ سول سپلائز کارپوریشن کے نائب صدر کمار کوڈگی ، گرام پنچایت صدر اشوینی دینیشا، سالیگرام گرام پنچایت صدر سولتا ہیگڈے اور مقامی لیڈران موجود تھے ۔

    این سی او نے طلب کی وضاحت :     نیشنل کمیشن فار ویمن کی صدر شیاملا کوندر نے اس مسئلہ پر اظہار خیال کرتے ہوئے کہا : " بے قصور کورگا طبقہ پر پولیس نے جو ظلم و ستم کیے ہیں اس سے محکمہ پولیس پر سے عوام کا اعتماد ختم ہوجاتا ہے ۔ سماج کی حفاظت کے ذمہ دار پولیس والوں کے اس رویہ سے سماج کے اندر غلط پیغام جاتا ہے ۔ ہم نے اس معاملہ میں سپرنٹنڈنٹ آف پولیس سے وضاحت طلب کی ہے ۔ آنے والے دنوں میں حقائق کی جانچ پڑتال کے بعد ضروری کارروائی کریں گے ۔"

ایک نظر اس پر بھی

ریاستی سرکاری نصاب کی غلطیوں کی تصحیح کےلئے متبادل نصابی کتب تیار کریں گے اور بچوں کو توہم پرستی اور اندھی تقلید سے بچائیں گے : دیونور مہادیو

آر ایس ایس کی سرکار اسکولی بچوں کو جو کچھ سکھانا چاہتی ہے وہ سکھائے ۔ لیکن ہم متبادل کے طورپر دستور کی تمہید، منشاء سمیت سب کچھ انہیں سکھانے کا کام کریں گے۔ ریاست کے مشہور و معروف کنڑا ادیب دیونورمہادیو نے ان خیالات کااظہار کیا۔

سرسی زون میں پرانی بسوں کی زیادہ تعداد  : نئی بسوں کے انتظار میں افسران

کےایس آر ٹی سی سرسی زون میں 10لاکھ کلومیٹر سے زائد فاصلہ طئےکئے 150بسیں ہیں ، جن میں سے اکثر بسوں کی ڈرائیونگ قوت کمزورہے۔ نئی بسیں نہیں خریدے جانے کی وجہ سے پرانی بسوں سے ہی مجبوری میں کام لیا جارہاہے۔

ویلفئیر پارٹی صدر ڈاکٹر قاسم الیاس رسول کی بھٹکل آمد؛ ملک کو ہندو راشٹر بنانے والوں سے کہا؛ نقشہ پیش کریں؛ اینٹی سی اے اے تحریک کو قرار دیا ملک کی آزادی کے بعد کی سب سے کامیاب تحریک

ہندوستان کی آزادی کے بعد جو سب سے  کامیاب  تحریک اس ملک میں چلی وہ اینٹی سی اے اے ، اور اینٹی این آر سی تحریک تھی، جن خواتین کے تعلق سے کہا جاتا تھا  کہ  مسلمان اپنی خواتین کو چہار دیوار ی میں بند کرکےرکھتے ہیں، اُن کے ساتھ ظلم و  زیادتی   ہوتی ہے۔، اُن ہی خواتین نے  اینٹی  ...

منگلورو : ملالی مسجد کے مقام پر دیوی موجود ہے - کیرالہ کے نجومی کا دعویٰ - ضلع انتظامیہ نے نافذ کیے امتناعی احکامات

ملالی میں واقع السید عبداللہ جامع مسجد میں تجدید نو کے دوران مندر کے باقیات پائے جانے کا دعویٰ کرتے ہوئے ہندو شدت پسند تنظیموں نے جو تنازعہ کھڑا کیا ہے اس میں اب مزید پیچیدگی پیدا ہوگئی ہے ، کیونکہ ہندو مذہبی عقیدہ کے مطابق کیرالہ سے بلائے گئے علم زائچہ کے ماہر اور نجومی ...

منگلورو: ملالی مسجد تنازعہ - ہندو تنظمیں کریں گی "اشٹھ / تامبولا پرشنا" رسوم -ڈپٹی کمشنر نے کہا : قانونی دستاویزات ہونگے سب سے اہم

منگلورو کے مضافات میں واقع ملالی میں السید عبداللہ مدنی جامع مسجد کی تعمیر و تجدید نو کے وقت ہندو تنظیموں نے مندر کے باقیات ملنے کا جو تنازعہ کھڑا کیا ہے اس پر ایک ویڈیو کلپ جاری کرتے ہوئے ڈپٹی کمشنر ڈاکٹر راجیندرا نے کہا کہ :" ایک مندر جیسا ڈھانچہ ملالی میں نظر آیا جس کے بعد کچھ ...

ریاستی سرکاری نصاب کی غلطیوں کی تصحیح کےلئے متبادل نصابی کتب تیار کریں گے اور بچوں کو توہم پرستی اور اندھی تقلید سے بچائیں گے : دیونور مہادیو

آر ایس ایس کی سرکار اسکولی بچوں کو جو کچھ سکھانا چاہتی ہے وہ سکھائے ۔ لیکن ہم متبادل کے طورپر دستور کی تمہید، منشاء سمیت سب کچھ انہیں سکھانے کا کام کریں گے۔ ریاست کے مشہور و معروف کنڑا ادیب دیونورمہادیو نے ان خیالات کااظہار کیا۔

ملک میں ایک نہ ایک دن ’یکساں سول کوڈ‘ ضرور نافذ ہوگا، کرناٹک کے وزیرکوٹا سرینواس پجاری کا خیال

 کرناٹک کے سماجی بہبود کے وزیر کوٹا سرینواس پجاری نے بدھ کے روز کہا کہ متنازعہ یونیفارم (یکساں) سول کوڈ ایک نہ ایک دن ملک میں نافذ ہوگا۔ انہوں نے کہا، ’’بی جے پی یکساں سول کوڈ لانے کے لیے پرعزم ہے اور اسے نافذ کرنے جا رہی ہے۔ یہ بی جے پی ہی ہی ہے جس نے جموں و کشمیر میں دفعہ 370 کو ...

منگلورو : ملالی مسجد کے مقام پر دیوی موجود ہے - کیرالہ کے نجومی کا دعویٰ - ضلع انتظامیہ نے نافذ کیے امتناعی احکامات

ملالی میں واقع السید عبداللہ جامع مسجد میں تجدید نو کے دوران مندر کے باقیات پائے جانے کا دعویٰ کرتے ہوئے ہندو شدت پسند تنظیموں نے جو تنازعہ کھڑا کیا ہے اس میں اب مزید پیچیدگی پیدا ہوگئی ہے ، کیونکہ ہندو مذہبی عقیدہ کے مطابق کیرالہ سے بلائے گئے علم زائچہ کے ماہر اور نجومی ...

شیموگہ ضلع میں بارش کی وجہ سے 40 کروڑ کا نقصا ن

پچھلے ہفتے ہوئی مسلسل بارش سے ضلع میں تقریباً 40کروڑ روپئے کا نقصان ہونے کا اندازہ لگایاگیاہے۔وزیر اعلیٰ کے ساتھ اس سلسلے میں تبادلہئ خیال کرنے کے بعد ضروری معاوضہ دلانے کیلئے اقدامات کئے جائیں گے۔یہ بات ضلع نگران کار وزیر نارائن گوڈانے کہی۔