اڈپی 4/دسمبر (ایس او نیوز) اڈپی شہر کی ’پلے زون‘ نامی دکان میں 5نومبرکوجو چوری ہوئی تھی اس کی تحقیقات کرنے والی ٹیم ایک بین الریاستی چوروں کی ٹولی میں شامل تین ملزمین کو گرفتار کرلیا ہے اور ان کے قبضے سے موبائل فون اور نقدی سمیت3.22لاکھ روپے مالیت کا مسروقہ مال بر آمدکیا ہے۔

موصولہ رپورٹ کے مطابق گرفتار کیے گئے ملزمین کی شناخت سانگلی کے رہنے والا رزاق اسلم مجاور(20سال)،کوپّل کا رہنے والے راجا صاب نائیک (25سال)،اور بہار کے رہنے والے دیپک پرسا د(25سال) کے طور پر کی گئی ہے۔پولیس کا کہنا ہے کہ اس نے بین الریاستی چوروں کی اس ٹولی کے پاس سے3لاکھ روپے مالیت کے16 موبائل فونس، 22,000روپے نقد، لوہے سلاخ، اسکریو ڈرائیور، کٹنگ پلئیر، 2کندھے پر پر لادنے والی بیاگس اورچہرے پر لگانے والے نقاب بر آمد کیے گئے ہیں۔

خیال رہے کہ اڈپی کے تریوینی جنکش پر واقع ’پلے زون‘ نامی دکان میں جو چوری کی واردات ہوئی تھی اس میں چوروں نے نقدی او رموبائل فونس اڑالیے تھے جس کی مجموعی مالیت کا تخمینہ 8,34,990روپے لگایا گیا تھا۔