اڈپی: ماہی گیری کے دوران جال میں پھنسی 1200کلو گرام وزنی ’خاردار دُم‘ والی مچھلی

Source: S.O. News Service | By Shahid Mukhtesar | Published on 12th May 2019, 12:19 PM | ساحلی خبریں |

 اڈپی:12/مئی (ایس او نیوز) ملپے سے مچھلیوں کے شکارکے لئے گہرے سمندر میں جانے والی ایک کشتی کے جال میں 1200کلو گرام وزنی خاردار دُم والی‘ stingray  مچھلی پھنس گئی جسے ساحل پر اتارنے کے لئے کرین کا سہارا لینا پڑا۔

انگریزی میں stingray کہلانے والی اس مچھلی کو کنڑا میں ’تھوراکے‘، تُولوُ زبان میں ’کومبو تھوراکے‘ اور بھٹکلی نوائط زبان میں ’واگولی‘کہاجاتا ہے۔ اس کی دم پر موجود کانٹے کافی زہریلے ہوتے ہیں اور یہ مچھلی اپنے دفاع میں اسی خاردار دم سے حملہ کرتی ہے۔ماہرین کہتے ہیں کہ اس کی دُم کا حملہ ایک رائفل کی گولی جیسا سخت ہوتا ہے۔قارئین کی معلومات کے لئے بتادیں کہ ’کروکوڈائل ہنٹر‘ کے نام سے مشہورجانوروں پر دستاویزی فلمیں بنانے والے ماہراسٹیو ایروِن (44سال) پر پورٹ ڈگلاس میں ’Ocean's Deadliest‘نامی زیر آب ڈاکیومنٹری فلم  شوٹنگ کے دوران اس مچھلی نے حملہ کردیا تھا اور اس کی دم کا کانٹا سیدھے اسٹیو کے دل میں گھس گیاتھا جس کی وجہ وہ ہلاک ہوگیا۔

 بتایاجاتا ہے کہ تین دن پہلے جال میں پھنسی ہوئی اس دیوقامت مچھلی کو دیکھنے کے لئے ملپے ساحل پر عوام کو ہجوم لگ گیا۔ اس مچھلی کے بارے کہا جاتا ہے کہ یہ کافی لذیذ ہوتی ہے اور بیرونی ممالک میں ایکسپورٹ کی جاتی ہے۔ اس مرتبہ شکار ہونے والی یہ مچھلی کلو گرام 50روپے کے حساب 60ہزار روپے میں فروخت ہوگئی۔

ایک نظر اس پر بھی

ساگر مالا منصوبہ: انکولہ سے بیلے کیری تک ریلوے لائن بچھانے کے لئے خاموشی کے ساتھ کیاجارہا ہے سروے۔ سیکڑوں لوگوں کی زمینیں منصوبے کی زد میں آنے کا خدشہ 

انکولہ کونکن ریلوے اسٹیشن سے بیلے کیری بندرگاہ تک ’ساگر مالا‘ منصوبے کے تحت ریلوے رابطے کے لئے لائن بچھانے کا پلان بنایا گیا اور خاموشی کے ساتھ اس علاقے کا سروے کیا جارہا ہے۔

ماڈرن زندگی کا المیہ: انسانوں میں خودکشی کا بڑھتا ہوا رجحان۔ ضلع شمالی کینرا میں درج ہوئے ڈھائی سال میں 641معاملات!

جدید تہذیب اور مادی ترقی نے جہاں انسانوں کو بہت ساری سہولتیں اور آسانیاں فراہم کی ہیں، وہیں پر زندگی جینا بھی اتنا ہی مشکل کردیا ہے۔ جس کے نتیجے میں عام لوگوں اور خاص کرکے نوجوانوں میں خودکشی کا رجحان بڑھتا جارہا ہے۔

منگلورو پولیس نے ایک اور مشکوک کار کو پکڑا؛ پنجاب نمبر پلیٹ والی کار کے تعلق سے پولس کو شکوک و شبہات

دو دن دن پہلے لٹیروں اور جعلسازوں کی ایک ٹولی کے قبضے سے منگلورو پولیس نے ایسی کار ضبط کی تھی جس پر نیشنل کرائم انویسٹی گیشن بیوریو، گورنمنٹ آف انڈیا لکھا ہوا تھا۔اب مزید ایک مشکوک کار کو پولیس نے اپنے قبضے میں لیا ہے۔ جس پر بھی گورنمینٹ آف انڈیا لکھا ہوا ہے۔

شیوپرکاش دیوراج بنے ضلع شمالی کینرا کے نئے ایس پی۔ ونائیک پاٹل کا کلبرگی تبادلہ۔ بھٹکل سب انسپکٹر کا بھی تبادلہ

ضلع شمالی کینرا کے نئے سپرنٹنڈنٹ آف پولیس کے طور پر شیوپرکاش دیوراج کو تعینات کیا گیا ہے، جبکہ موجودہ ایس پی ونائیک پاٹل کا تبادلہ کلبرگی کے لئے کردیاگیا ہے۔

مرڈیشور ساحل پر ماہی گیروں اور انتظامیہ افسران کے درمیان پارکنگ جگہ کو لےکر تنازعہ: ماہی گیروں کا احتجاج  

مرڈیشور میں مچھلی شکار پیشہ کے لئے جگہ مختص کرنے اور ماہی گیر کشتیوں کو  محفوظ رکھنے کےلئے جگہ متعین کرنے کے متعلق   ماہی گیروں اور مقامی انتظامیہ کے درمیان پھر ایک بار تنازعہ پیدا ہوگیا ہے۔

بھٹکل محکمہ تحصیل کے عملے  نے   سیاہ پٹی باندھ کرانجام دیں خدمات : ’ بنگلورو چلو ‘احتجاج کی حمایت

کرناٹکا سروئیر،رونیو مینجمنٹ اور رجسٹرار ملازمین سنگھ (کرناٹکا راجیا بھوماپنا ، کندایا ووستھے متو بھو داخلیگل کاریانرواہک نوکررسنگھ  ) کی جانب سے مختلف مطالبات کو حل کرنےکی مانگ لے کر 4ستمبر کو منائی جارہی ’ بنگلورو چلو ‘ احتجاج کی حمایت میں بھٹکل کے مختلف محکمہ جات کے عملے ...