اڈپی ضلع میں بڑھتا ہوا کورونا کا قہر: پولیس افسران کے رہائشی کوارٹر سمیت 14علاقوں میں سیل ڈاؤن۔ 41علاقے ہوگئے کنٹینمنٹ زون!

Source: S.O. News Service | Published on 2nd June 2020, 1:58 PM | ساحلی خبریں |

اڈپی،2؍جون (ایس او نیوز) اڈپی ضلع میں کورونا وباء کا قہر مسلسل جار ی ہے۔ روز بروز نئے معاملات سامنے آنے کے ساتھ سیل ڈاؤن اور کنٹینمنٹ علاقے بھی بڑھتے جارہے ہیں۔

موصولہ اطلاعات کے مطابق اب تک علاقوں کو سیل ڈاؤن کیا گیا ہے جس میں 6گھروں پر مشتمل پولیس کوارٹر بھی شامل ہے۔ جبکہ41گرام پنچایتوں کو کنٹینمنٹ علاقوں میں شامل کیا گیا ہے۔شہر میں آرمڈ ریزروڈ فورس کے ڈی وائی ایس پی کی رہائش والے کوارٹرس میں موجود چھ گھروں کو سیل ڈاؤن کرتے ہوئے اسے کنٹیمنٹ علاقے قرار دیا گیا۔اسی طرح پتور گرام کے سبرامنیا میں دو گھروں کو سیل ڈاؤن کرنے کے ساتھ پورے پتور شہر کو بفر زون میں تبدیل کیا گیا ہے۔

اس کے علاوہ بیندور تعلقہ کے کیرمنجیشور، بیجورو، پڈوری  یڈترے اور ناڈ گرام پنچایتوں میں مخصوص علاقوں کو کنٹینمنٹ زون قرار دیا گیا ہے۔ناڈ گرام میں ایک ہی گھر کے چار افراد کے اندر کورونا پوزیٹیو ہونے کی خبر ملی ہے۔جبکہ کنداپور تعلقہ کے ایک گھر میں 5افراد کووِڈ سے متاثر ہوئے ہیں۔اس علاقے کو بھی کنٹینمنٹ زون کردیا گیا ہے۔ گزشتہ دو دنوں کے اندر کنداپور اور بیندور تعلقہ میں جملہ 12گرام پنچایت علاقوں کو سیل ڈاؤن کیا گیا ہے۔ برہماور تعلقہ میں شنکر نارائن پولیس اہلکار اور ڈسٹرکٹ آرمڈ فورس کے اہلکار جہاں مقیم تھے ان گرام پنچایتوں کو کنٹینمنٹ زون کردیا گیا ہے۔اسی طرح کارکلا تعلقہ کے دو دیہاتوں میں مکمل سیل ڈاؤن کیا گیا ہے۔کاپور، پڈو بیدری میں ایک ہی خاندان کے چار افراد میں کووِڈ پوزیٹیو نکلنے کے بعد اسے بھی کنٹینمنٹ زون قرار دیا گیا۔

ایک نظر اس پر بھی

اُترکنڑا میں آج 23 لوگوں کی رپورٹ آئی کورونا پوزیٹیو، یلاپور میں کورونا سے ایک عمر رسیدہ عورت کی موت

بھٹکل کے گیارہ لوگوں کے بشمول ضلع اُترکنڑا میں آج کورونا کے 23 لوگوں کی رپورٹ کورونا پوزیٹیو آئی ہے،  جس میں  کمٹہ کے چھ ، انکولہ کے پانچ اور کاروار سے ایک شخص بھی شامل ہیں۔اس دوران یلاپور میں ایک خاتون کی موت واقع ہونے کی بھی اطلاع ملی ہے جس کے ساتھ ہی ضلع اُترکنڑا میں کورونا ...

کورونا نے دھارا بھیانک روپ؛ بھٹکل کے دو افراد مینگلور اسپتال میں فوت؛ آج گیارہ لوگوں کی رپورٹ آئی پوزیٹیو

کورونا نے اب بھیانک روپ اپناتے ہوئے بھٹکل کے دو لوگوں کو اپنا شکار بنادیا ہے جس کے ساتھ ہی  بھٹکل کے عوام میں کورونا کو لے کر  تشویش بڑھتی جارہی ہے۔ابتدا میں جب  کورونا کے معاملات  بھٹکل سے سامنے آرہے تھے تو تنظیم کے تعاون سے تعلقہ اور ضلعی انتظامیہ نے کورونا پر قابو پانے میں ...

سرسی کی ڈاکٹر مبارک النساء تونسے نے حاصل کی کینسر کے علاج میں سوپر اسپیشالٹی کی ڈگری 

سرسی کے معروف سماجی قائد جناب عباس تونسے کی دختر ڈاکٹر مبار ک النسا ء نے ایک لائق تحسین کارنامہ انجام دیتے ہوئے دوائی کے ذریعے کینسر کا علاج (میڈیکل آنکولوجی) کے شعبے میں خصوصی مہارت (سوپر اسپیشالٹی) کی تربیت مکمل کرتے ہوئے ڈی ایم کی ڈگری حاصل کی ہے۔

بھٹکل: سونارکیری رہائشی اسکول کو کوویڈ-19سینٹر میں تبدیل کرنے پر آسارکیری اور سونارکیری کے عوام کا احتجاج

یہاں سونارکیری میں واقع  سرکاری رہائشی اسکول کو کوویڈ۔19 سینٹر میں تبدیل کرنے پر  آسارکیری اور سونارکیری کے عوام نے احتجاج کیا اور مطالبہ کیا کہ  رہائشی علاقے میں واقع اس اسکول میں کورونا کے  مریضوں کو  نہ رکھا جائے۔