اُڈپی میں نابالغہ کو زور زبردستی کار میں لے جاکر حملہ کرنےکے الزام میں چار گرفتار
اُڈپی:22؍جنوری (ایس اؤ نیوز) نابالغہ کو زور زبردستی کار میں لے جاکر حملہ کرکے اُسے جسم فروشی کے دھندے سے تعلق رکھنے والے 4ملزموں کے خلاف کاپو پولس تھانے میں پوسکو کےتحت کیس درج کیا گیا ہے ملزموں کی شناخت سُلیا تعلقہ کریکل پنبےتاپڑی کی باشندہ ، فی الحال گرڑی مجل میں مقیم گلابی نائک (29)، کنداپور ہوسور کے مکین منجوناتھ (26)، برہماور کیلینجی کے مکین ششی دھر(42) اور اُڈپی ،تنکنڈیور کے رویل سورج (47)کے طورپر کی گئی ہے۔
بتایا گیا ہے کہ متاثرہ لڑکی اور اس کی بہن منگلورو میں کرایے کے مکان میں قیام پذیر ہیں۔ متاثرہ لڑکی نے تھانے میں درج کردہ شکایت میں کہاہےکہ میں جسم فروشی کا دھندہ کرتی ہوں،مجھے اُڈپی اور منی پال میں گلابی نائک اور سورج دھندے کےلئے استعمال کرتے تھے۔ میرے انکار کے باوجود بدھ کو ششی نامی فرد کے ساتھ مجھے جانے پر زبردستی کی۔ اس تعلق سے جھگڑا ہونےکے بعد وہ سب کاپو کے ایک بار میں بیٹھ کر بئیر پیتے ہوئے میری آپا کو فون کیا تو فون پر ہی گلابی نائک کے ساتھ جھگڑاہوا۔ گلابی نائک نے مشتعل ہوکر دیگر ملزمان کےساتھ ہلینگڑی میں موجود اس کی بہن کو زور زبردستی کار میں سوارکراتےہوئےاس پر حملہ کیا اور جنسی ہراسانی کرتےہوئے اُڈپی کی طرف چلے تو رات 30-9بجے کٹپاڑی کے قریب نابالغہ نے اپنی حفاظت کے لئے چیخنا ،چلانا شروع کیا۔عوام نے چیخ پکار سنی تو کار کو روک کر پولس کے حوالے کردیا۔
پولس نے پوچھ تاچھ کرنے کے بعد چاروں ملزمان کو گرفتارکرتے ہوئے ان کے خلاف پوسکو کے تحت مقدمہ درج کرلیا ہے۔ ملزمان کو عدالت میں پیش کیاگیا جہاں انہیں 4فروری تک عدالتی تحویل میں بھیج دیاگیا ہے۔
