دبئی،30؍اگست (ایس او نیوز؍ایجنسی) متحدہ عرب امارات (یو اے ای) کے صدر شیخ خلیفہ بن زید النہیان نے ایک فرمان جاری کر کے اسرائیل کے بائیکاٹ کو باقاعدہ طورپر آج ختم کردیا ہے۔ اس سلسلہ میں شیخ خلیفہ بن النہیان نے ایک فرمان جاری کیا ہے جو دونوں ممالک کے مابین تجارت اور مالیاتی معاہدوں کو شروع کرنے کی اجازت دیتا ہے۔

واضح رہے کہ امریکہ کے دباؤ پر یو اے ای اور اسرائیل کے مابین 13اگست 2020کو ایک امن معاہدہ ہوا تھا۔ اس معاہد کو ابراہم معاہدہ کے نام سے جانا جاتا ہے۔ بہر حال، ہفتہ کے روز یو اے ای کی سرکاری خبررساں ایجنسی ڈبلیو اے ایم نے بتایا کہ اس فیصلے کا مقصد ’دو طرفہ تعلقات قائم کرنے کے لئے دوطرفہ تعاون کی حمایت کرنا ہے‘۔