یو اے ای : مسافروں کے پاس 60 ہزار درہم سے زائد کرنسی یا زیورات ہونے پر ڈکلیریشن کرنا ضروری
ابوظہبی، 15 / فروری (ایس او نیوز) متحدہ امارات میں داخل ہونے یا باہر جانے والے مسافروں کے لئے ضروری ہوگا کہ اگر ان کے پاس 60 درہم یا اسی مالیت کی دوسری کرنسی، فائنانشیل انسٹرومنٹس، قیمتی دھات یا پتھر ہوں تو انہیں یو اے ای کی سرحد کے داخلی اور خارجی پوائنٹ پر افشاء یا ڈکلیر کرنا ضروری ہوگا ۔
یو اے ای کی فیڈرل اتھاریٹی فار آئڈینٹیٹی اینڈ سٹی زن شپ، کسٹمز اینڈ پورٹس سیکیوریٹی نے مسافروں کے لئے یاد دہانی جاری کرتے ہوئے کہا ہے کہ تمام مسافروں کو محفوظ سفر کے لئے کسٹمز کی جانب سے وضع کے لئے قوانین کی پابندی کرنا چاہیے ۔ اتھاریٹی نے اس بات کا اعادہ کیا کہ یو اے ای میں داخل ہونے یا باہر جانے والے 18 سال سے زائد عمر کے کسی شخص کے لئے اپنے ساتھ لے جانے والی نقدی کی کوئی حد مقرر نہیں ہے ، البتہ 60 ہزار درہم سے زائد مقدار میں ہونے پر ڈکلیر کرنا لازمی ہے ۔ اپنے پاس موجود کرنسی اور قیمتی اشیاء کے ڈکلیریشن کے لئے مسافر اپنے سفر سے پہلے 'afsah' سسٹم یا کسی دوسرے مصدقہ سسٹم کا استعمال کر سکتے ہیں ۔
اتھاریٹی کی جانب سے وضاحت کی گئی ہے کہ اگر کسی فیملی کے ساتھ 18 سال سے کم عمر کا مسافر ہو اس کے پاس موجود کرنسی یا قیمتی دھات اور پتھر کو بھی اس کے ساتھ سفر کرنے والے والدین یا ساتھی کے مال میں شمار کیا جائے گا ۔