پتور : بزنس مین کو دھمکا کر جبری وصولی کے الزام میں 2 غنڈے گرفتار

Source: S.O. News Service | By I.G. Bhatkali | Published on 15th January 2022, 7:24 PM | ساحلی خبریں |

پتور 15/ جنوری (ایس او نیوز) پتور دیہی پولیس کی ٹیم نے ایک بزنس مین کو فون پر جان سے مارنے کی دھمکی دینے اور اس سے جبری وصولی کرنے کے الزام میں 2  ہسٹری شیٹرس کو گرفتار کیا  ہے۔

 پولیس کا کہنا ہے کہ کچھ اجنبی افراد ایک بزنس مین کو فون کرکے مطالبہ کیا کرتے تھے کہ جیل میں بند ایک شخص کو رہا کروانے کے لئے انہیں 13 لاکھ روپے ادا کیے جائیں ۔ اس رقم کی پہلی قسط 3,50,000 روپے دو دن کے اندر ادا کرنے کی مانگ رکھتے ہوئے  انہوں نے یہ دھمکی بھی دی تھی کہ یہ بات کسی کو نہ بتائی جائے ورنہ مذکورہ شخص اور اس کے گھر والوں کو قتل کردیا جائے گا ۔

 مصدقہ اطلاع پر کارروائی کرتے ہوئے پولیس نے جال بچھا کر بنٹوال سے قلندر شریف عرف شفیع اور منگلورو سے حسن ابّا عرف حسن عرف اچّھو عرف اچونو کو اس وقت گرفتار کیا جب وہ مذکورہ شخص سے رقم وصول کر رہے تھے ۔  گرفتار ملزمین کے پاس سے 50 ہزار روپے نقد، ایک کار اورموبائل فون ضبط کیے گئے  ہیں۔

 ملزمین کے بارے میں پولیس نے بتایا کہ قلندر بنٹوال ٹاون پولیس اسٹیشن اور حسن ابا کوناجے پولیس اسٹیشن میں راوڈی شیٹر کے طور پر نامزد ہیں .  اس کے علاوہ حسن ابا پر الال پولیس اسٹیشن اور کنکناڈی پولیس اسٹیشن میں ڈکیتی کا کیس بھی  درج ہے ۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...