سان فرانسسکو،7؍جولائی(ایس او نیوز؍ایجنسی) امریکہ کے ایڈاہو ریاست میں کوئرا ڈی لین جھیل کے اوپر 2 جہازوں کی ٹکر کے بعد ان کے ڈوب جانے سے آٹھ لوگوں کی ہلاکت کا خدشہ ہے۔ کوٹینائی کاؤنٹی شیرف دفتر کی جانب سے جاری ریلیزکے مطابق یہ واقعہ اتوار کو مقامی وقت کے مطابق 2.20 بجے پیش آیا۔

موصولہ اطلاعات کے مطابق جائے واقعہ سے اب تک دو لوگوں کی لاشیں برآمد ہوچکی ہیں اور چھ بالغ اور بچے لاپتہ ہیں۔ لاپتہ لوگوں کی موت کے شبہ کا اظہار کیا جارہا ہے۔ ابتدائی رپورٹ کے مطابق دونوں جہازوں میں کرو اراکین سمیت مجموعی طور پر آٹھ افراد سوار تھے۔ اس کی تصدیق ابھی بھی کی جا رہی ہے۔ ابھی تک یہ مانا جارہا ہے ان میں سے کوئی بھی زندہ نہیں بچا ہے۔