بھٹکل کے قریب شیرور میں دو نوجوان ندی میں ڈوب کر ہلاک؛ ایک کو بچانے کی کوشش میں دوسرا بھی ڈوب گیا

Source: S.O. News Service | By I.G. Bhatkali | Published on 2nd September 2018, 7:06 PM | ساحلی خبریں | ان خبروں کو پڑھنا مت بھولئے |

بھٹکل 2/ستمبر (ایس او نیوز)  پڑوسی ضلع اُڈپی کے شیرور میں  دونوجوان  ندی میں ڈوب کر ہلاک ہوگئے ، دونوں کا تعلق بھٹکل کے کارگیدے سے بتایا گیا ہے۔ حادثہ اتوار شام قریب پانچ  بجےپیش  آیا۔

دونوں کی نعشیں تالاب سے باہر نکالی گئی ہیں جن کی شناخت راجو ستیش نائک (35) اور اس کا پڑوسی ضمیر امام شیخ (22) کی حیثیت سے کی گئی ہے۔

 بتایا گیاہے کہ کارگیدےسے تعلق رکھنے والے دوچار بچوں سمیت جملہ  12 لوگ  تفریح کے لئے شیرور میں واقع مشہور کوڈمکّی درگاہ کے قریب  جنگلی پیر گئے تھے۔  جہاں کی ندی میں سبھی دوست تیرنے کے لئے اُتر گئے۔ اس دوران اچانک راجو  ندی کے تیز بہائو میں بہہ کر آگے نکل کر  ڈوبنے لگا تو اُسے بچانے کی کوشش میں ضمیر آگے بڑھ گیا، مگر راجو کو بچانے کی کوشش میں ضمیر بھی پانی میں ڈوب کر لاپتہ ہوگیا۔

پانی میں ڈوب کر لاپتہ ہونے کی اطلاع بھٹکل میں پہنچتے ہی بھٹکل سے پچاسوں  نوجوان  بائک اور کاروں کے ذریعے  متعلقہ مقام پرپہنچ گئے اور ندی میں اُتر کو تلاشی کا کام شروع کردیا۔اس سے پہلے شیرور کے بھی کافی نوجوان موقع واردات پر پہنچ کر تلاشی کا کام شروع کردیا تھا،  کافی کوششوں کے بعد شام قریب ساڑھے چھ بجے دونوں کی نعشیں ندی سے برآمد کرلی گئیں۔

اطلاع ملتے ہی بیندور پولس کے اہلکار بھی جائے وقوع پر پہنچ گئے اور دونوں نعشوں کو بیندور سرکاری اسپتال منتقل کیا، جہاں پوسٹ مارٹم کی کاروائی کے بعد نعشیں  لواحقین کے حوالے کی جائیں گی۔

راجو کے تعلق سے پتہ چلا ہے کہ اُس کا تعلق اصل میں بینگلور سے ہے، مگر اس کا سسرال بھٹکل کارگیدے میں ہے، جہاں وہ اپنی فیملی کے ساتھ  رہائش پذیر تھا، اسے ایک لڑکا اور ایک لڑکی ہے۔ حادثے کے تعلق سے  راجو کے والدین کو بنگلور میں اطلاع پہنچادی گئی ہے ۔

ضمیر شیخ انجمن کالج میں ایم اے کا طالب العلم تھا، اس نے حال ہی میں بی اے کی تعلیم مکمل کی تھی۔ ضمیر کے  بارے میں بتایا گیا ہے کہ وہ بے حد بہترین نوجوان تھا، اکثر مسجد مزمل میں پہلی صف پر نماز میں شریک ہوتا تھا اور سماجی و فلاحی کاموں میں بے حد متحرک تھا۔

بیندورپولس تھانہ میں معاملہ درج کیا گیا ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...