ٹمکور میں سابق وزیر سی ٹی روی کی کار نے 6؍ افراد کو روند دیا ، 2؍ہلاک ،4زخمی

Source: S.O. News Service | By Shahid Mukhtesar | Published on 20th February 2019, 2:25 PM | ریاستی خبریں | ان خبروں کو پڑھنا مت بھولئے |

بنگلورو ،20؍ فروری (ایس او نیوز) منگل  صبح کی اولین ساعتوں میں بنگلورو منگلورو شاہراہ پر چکمگلور کے رکن اسمبلی سی ٹی روی کی تیز رفتار کار نے سڑک کے کنارے کھڑی دو گاڑیوں کو ٹکر مارنے کے بعد چند راہ گیروں کو کچل دیا، جس کے نتیجے میں  دو افراد کی موت واقع ہوگئی، جبکہ چار دیگر زخمی ہوگئے۔ بتایا گیا ہے کہ  پولس نے ایف آئی آر میں  سی ٹی روی کا نام درج نہیں کیا ہے۔

حادثہ منگلور۔بنگلور قومی شاہراہ 75پر ضلع ٹمکور کے کونیگل تعلقہ میں  پیش آیا۔ مہلوکین کی شناخت کنکا پورہ کے سرونہلی کے ساکن ششی کمار (28) اور سنیل گوڈا (27) کی حیثیت سے کی گئی ہے، جبکہ زخمی منی راجو ، جئے چندرا ، پنیت اور منجوناتھ کو کونیگل کے مقامی اسپتال میں داخل کروایا گیا ہے۔ اس حادثے کے نتیجے میں رکن اسمبلی سی ٹی روی ، ان کے ڈرائیور آکاش اور گن مین راجیو نائیک کو معمولی چوٹیں آئیں ہیں۔ سی ٹی روی کو شہر کے وکرم اسپتال میں داخل کرنے کے بعد وہ علاج کرکے اپنے گھر لوٹ چکے ہیں۔

بتایا گیا ہے کہ بارہ افراد پر مشتمل ایک گروپ  دھرمستھلا سے  اپنے گھروں کو لوٹ رہا تھا،  کونیگل بائی پاس پر یہ لوگ  گاڑی کو سڑک کنارے پارک کرکے رفع  حاجت کے لئے  اُترے  تھے کہ اسی دوران سی ٹی روی کی تیز رفتار  کار نے ا ن لوگوں رونددیا۔اس دوران بتایا جاتا ہے کہ حادثے کے بعد رکن اسمبلی نے مہلوکین یا زخمیوں کے بارے میں دریافت کرنا بھی ضروری نہیں سمجھا ۔اور فوری طور پر گاڑی کو تبدیل کرکے   بنگلورو کیلئے روانہ ہوگئے۔ سی ٹی روی جن کا شمار بی جے پی کے اُن اراکین میں کیا جاتا ہے جو کسی پر بھی تنقید کرنے یا پھر اشتعال انگیز بیان بازی میں پیش پیش رہتے ہیں ۔ میڈیا رپورٹوں کے مطابق آر ایس ایس کی تربیت کے پس منظر سے آنے والے سی ٹی روی نے اپنی کار کے حادثے میں ہلاک افراد کو دیکھنا اور زخمیوں کی عیادت کرنا بھی گوارا نہیں کیا ۔ مقامی لوگوں نے سی ٹی روی کی اس حرکت پر سخت غم و غصے کا اظہار کیا ۔ مقامی لوگوں نے سی ٹی روی پر اپنی برہمی کا اظہار کرتے ہوئے کہا کہ رکن اسمبلی ہیں تو کچھ بھی جائز ہے۔ کیا عام لوگوں کے جان کی کوئی قیمت نہیں؟ واقعے کی اطلاع ملتے ہی کونیگل تھانے کے سرکل انسپکٹر اشوک کمار اپنے اہلکاروں کے ساتھ جائے وقوع پر پہنچے اور زخمیوں کو فوری طور پر اسپتال پہنچایا۔

میڈیا رپورٹوں کے مطابق حادثہ کا شکار افراد نے بتایا کہ  فارچیون کار کی ٹکر سے حادثہ پیش آیا، سنیل اور  شیوکمار خون زیادہ بہہ جانے کی وجہ سے اسپتال لے جانے سے پہلے ہی فوت ہوگئے، زخمی پُنیت نے کار کے نمبر کے ساتھ شکایت درج کروائی، جس میں بتایا گیا ہے کہ  حادثہ کرنے والی فارچیون کار میں( چکمگلو اسمبلی حلقہ کے بی جے پی رکن اسمبلی) سی ٹی روی بھی موجود تھے۔۔ مگر پولس تھانہ میں درج ایف آئی آر میں  کہیں بھی سی ٹی روی کا ذکر نہیں کیا گیا ہے۔ پتہ چلا ہے کہ  کار ڈرائیور اور رکن اسمبلی سی ٹی روی شراب کے نشہ میں تھے۔

حادثے کی وڈیو وائرل ہونے کے بعد  بی جے پی ہیڈکوارٹرس نے واضح کیا کہ  یہ کار سی ٹی روی کی ہی تھی، مگر وہ کار نہیں چلارہے تھے۔ بی جے پی کی طرف سے بتایا گیا ہے کہ  سی ٹی روی خود بھی حادثے میں زخمی ہوئے ہیں، انہوں نے ہی کار پولس تھانہ تک لے جاکر پولس کو حادثہ کی اطلاع دی تھی اور خود علاج کے لئے اسپتال میں داخل ہوئے تھے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...