مینگلور کے قریب پتور میں ہوئے پروین قتل کیس میں دو گرفتار - دیگر ملزمین کی تلاش جاری
مینگلور 28 جولائی (ایس او نیوز) ضلع دکشن کنڑا کے سولیا میں ہوئے بی جے پی یووا مورچہ لیڈر پروین کمار نیٹارو قتل معاملے میں پولیس نے دو ملزمین کو گرفتار کرلیا ہے جن کی شناخت ساونور کے رہنے والے ذاکر (29) اور بیلارے کے رہنے والے محمد شفیق (27) کے طور پر کی گئی ہے ۔
پولیس سپرنٹنڈنٹ رشی کیش سوناونے کے بیان کے مطابق ان دونوں ملزمین کو کاسرگوڈ سے گرفتار کیا گیا ہے اور یہ لوگ قتل کی سازش رچنے میں شامل ہیں جبکہ قتل کی کارروائی انجام دینے والے ملزمین کو ابھی گرفتار کیا جانا باقی ہے ۔ یہ بھی پتہ چلا ہے کہ اب تک تفتیش کے لئے 21 افراد کو تحویل میں لیا گیا ہے ۔
سولیا سے ملی خبر کے مطابق گوتیگار میں مسلمانوں کی دکانوں میں توڑ پھوڑ اور لوٹ مار مچانے سمیت کئی دکانوں کا سامان سڑکوں پر پھینکے جانے کی واردات پیش آئی ہے۔ ںتایا گیا ہے کہ 50 سے زائد شرپسندوں نے مسلمانوں کی ملکیت والی دکانوں کو نشانہ بنایاہے۔
ضلع کے ڈپٹی کمشنر نے کشیدہ حالات کو دیکھتے ہوئے احتیاطی طور پر کڑبا ، پتور ، سولیا ، بنٹوال وغیرہ میں شراب کی فروخت پر پابندی لگا دی ہے ۔