اُڈپی کے کورنگرا پاڈی میں آٹو رکشہ اور بس کی خطرناک ٹکر؛ رکشہ کے پرخچے اُڑ گئے، باپ اور بیٹا شدید زخمی
اُڈپی 19/جون (ایس او نیوز) اُڈپی کے مضافاتی علاقہ کورنگرا پاڑی میں آٹو رکشہ اور بس کے درمیان ہوئی خطرناک ٹکر میں آٹو رکشہ کےپرخچے اُڑ گئے جبکہ رکشہ پر سوار باپ اور بیٹا شدید زخمی ہوگئے۔ دونوں کو قریبی اسپتال میں داخل کیا گیا ہے جہاں بیٹے کی حالت نازک بتائی گئی ہے۔
اطلاع کے مطابق بُڈنارو کے رہنے والے ریاض اآج بدھ صبح آٹو رکشہ پر پنے بیٹے کو اسکول چھوڑنے جارہا تھا کہ اس دوران اُڈپی کے کارکلا جانے والی بس اس کی آٹو سے ٹکراگئی۔ ٹکر اتنی شدید تھی کہ آٹو رکشہ کے پرخچے اُڑ گئے ۔ حادثے کےفوری بعد مقامی لوگوں نے باپ اور بیٹے کو فوری قریبی اسپتال پہنچایا۔
حادثے کی اطلاع ملتے ہی اُڈپی ٹریفک پولس جائے وقوع پر پہنچی اور دونوں سواریوں کو الگ کرکے سڑک کو سواریوں کے لئے صاف کیا۔ پولس نے معاملہ درج کرتے ہوئے چھان بین شروع کردی ہے۔
