مینگلور کے قریب بنٹوال میں مکانوں پر پہاڑی کھسک گئی؛ دو معصوم جاں بحق

Source: S.O. News Service | By I.G. Bhatkali | Published on 5th July 2020, 6:48 PM | ساحلی خبریں | ان خبروں کو پڑھنا مت بھولئے |

مینگلور 5/جولائی (ایس او نیوز) گذشتہ دس دنوں سے جاری موسلادھار بارش کے دوران آج اتوار کو  قریبی علاقہ بنٹوال کے بنگلاگُڈے میں  ایک پہاڑی کھسک کر تین   مکانوں پر گرنے سے تینوں  مکان زمین بوس ہوگئے  بتایا گیا ہے کہ دوپہر کو جس وقت یہ حادثہ پیش آیا،  ایک مکان میں دو  بچے آرام کررہے تھے، مکان  گرنے سے دونوں بچے وہیں  ملبے کے نیچے دب کر جاں بحق ہوگئے۔ انا للہ و انا الیہ راجعون۔

 مرنے والے بچوں کی شناخت محمد صفوان (16) اور  سہل (10) کی حیثیت سے کی گئی ہے۔

بتایا گیا ہے کہ جیسے ہی پہاڑی کھسکی، پہلے ایک مکان گرا، کچھ ہی دیر بعد دوسرا مکان اُسی مکان پر گرگیا، ذرائع کے مطابق نیچے والے مکان میں دو بچے آرام کررہے تھے، مکان گرنے کے دوران گھروں میں سے لوگ باہر آگئے تھے، مگر بچے اندر ہی  سورہے تھے، کافی  کوششوں کے بعد  ملبہ کو ہٹایا گیا اور دونوں  بچوں کو باہر نکالا گیا، مگر وہ ہمیشہ ہمیش کی نیند سوچکے تھے۔

اطلاع کے مطابق  پہاڑی کھسک کر گھروں میں گرنے کی اطلاع ملتے ہی  مقامی لوگ فوری طور پر مدد کو پہنچ گئے تھے  پولس بھی جائےوقوع پر پہنچ کر  گھر کے اندر پھنسے ہوئے دونوں بچوں کو بچانے کی ہرممکن کوشش کی مگر دونوں جانوں کو بچایا نہ جاسکا۔

ذرائع کے مطابق علاقہ میں کئی دیگر مکانات بھی اب خطرے میں ہیں اور پہاڑی کے عین نیچے واقع ہے، بتایا جارہا ہے کہ صبح سے ہی پہاڑی پر سے مٹی کھسک رہی تھی، مگر دوپہر کو   پہاڑی کھسک کر گھر پر جاگرنے سے گھر ہی ڈہہ گیا ۔

ڈسٹرکٹ انچارج منسٹر کوٹا سرینواس پجاری سمیت ضلعی انتظامیہ کے اہلکاروں نے جائے وقوع پر پہنچ کر جائزہ لیا ہے۔فوری طور پر علاقہ کے 14 مکانوں کے خاندانوں کو  ہٹادیا گیا ہے اور محفوظ مقام کی طرف منتقل کیا گیا ہے۔ وزیر پجاری نے  واقعے پر سخت افسوس کا اظہار کرتے ہوئے گھروالوں کو تیقن دیا ہے کہ سرکار کی طرف سے انہیں مکانات تعمیر کرکے دیا جائے گا۔

فائر بریگیڈ، این ڈی آر ایف اہلکار، پولس، مقامی لوگ سبھی ملبے کو ہٹانے میں شریک تھے۔ ان لوگوں نے  ملبے کے اندر دبے ہوئے ایک آٹو رکشہ کو بھی باہر نکالا۔

 

ایک نظر اس پر بھی

ڈپٹی کمشنر کا بھٹکل دورہ؛ کورونا پر قابو پانے ڈی سی نے مختلف سماج کے لیڈران سے کی گفتگو؛ پوچھا ، وائرس کو پھیلنے سے روکنے کے لئے مزید کیا اقدامات کئے جائیں ؟

  کوویڈ کے بڑھتے معاملات اور شہروں کے اسپتالوں میں   بیڈ اور اکسیجن کی قلت  کو مدنظر رکھتے ہوئے  اُترکنڑا کے ڈپٹی کمشنر ملئے مگھیلن نے آج سنیچر کو  بھٹکل کا دورہ کیا اور مختلف  سماج او ر اداروں کے ذمہ داران سے ملاقات کرتے ہوئے اُن سے مشورے طلب کئے کہ  بھٹکل میں کوویڈ پر قابو ...

بھٹکل: حنیف آباد میں پنچایت کی طرف سے کچرا ٹھکانے لگانے کی کوشش پر مقامی لوگوں نے جتایا اعتراض

بھٹکل تعلقہ ہیبلے گرام پنچایت کے حنیف آباد میں جنگلاتی زمین پر پنچایت کی طرف سے کچرا ٹھکانے لگانے کی کوشش پر مقامی لوگوں نے سخت مخالفت کی جس کے بعد پنچایت کے اراکین نے اس سلسلے میں کیا جارہا کام روک دیا۔ ...

کرناٹک میں10تا24مئی تک سخت لاک ڈائون کا اعلان ؛ لیکن سرکولر میں تقریبا پہلے والی ہی ہدایات

کرناٹک کے وزیراعلیٰ  یڈی یورپا نے جمعہ کی شام کو  ریاست بھر میں سخت لاک ڈاون نافذ کرنے کا اعلان کیا ، لیکن بعد میں سرکار کی طرف سے جو سرکیولر جاری ہوا ہے، اُس میں تقریباً وہی پرانی ہدایات ہیں جو پہلے سے ہی نافذ العمل ہے۔ بتایا گیا ہے کہ  نئے احکامات کو10 تا24 مئی تک نافذ کردیا گیا ...

بھٹکل انجمن ہائی اسکول کے سابق استاد محمد زُبیر چمپا انتقال کرگئے

ا  نجمن ہائی اسکول کے سابق استاد اور سب کے ہردل عزیز جناب محمد زبیر چمپا صاحب  جمعرات 6  مئی کو بھٹکل مدینہ کالونی میں واقع اپنی  قیام گاہ پر انتقال  کرگئے۔ انا للہ و انا الیہ راجعون۔  ان کی عمر 78 سال تھی۔ رات قریب گیارہ بجے نوائط کالونی قبرستان میں تدفین عمل میں آئی۔

بھٹکل انجمن ہائی اسکول کے سابق استاد محمد زُبیر چمپا انتقال کرگئے

ا  نجمن ہائی اسکول کے سابق استاد اور سب کے ہردل عزیز جناب محمد زبیر چمپا صاحب  جمعرات 6  مئی کو بھٹکل مدینہ کالونی میں واقع اپنی  قیام گاہ پر انتقال  کرگئے۔ انا للہ و انا الیہ راجعون۔  ان کی عمر 78 سال تھی۔ رات قریب گیارہ بجے نوائط کالونی قبرستان میں تدفین عمل میں آئی۔

بیڈ بلاکنگ گھپلہ: اسپتال میں بستر کے عوض 1.20 لاکھ روپئے اینٹھنے والے 3 ملزم گرفتار

ایک طرف بی جے پی رکن پارلیمان تیجسوی سوریہ کی طرف سے بی بی ایم پی وار روم میں بیڈ بلاکنگ کا گھپلہ بے نقاب کرنے کا دعویٰ کرتے ہوئے اس سارے معاملہ کو فرقہ وارانہ رنگ دینے کی کوشش کی گئی تو اس سے ہٹ کر بنگلورو سنٹرل ڈیویژن کی پولیس نے کارروائی کرتے ہوئے بیڈ بلاکنگ کے ایک تازہ معاملہ ...

کرناٹک میں جنتا کرفیو میں توسیع یا مکمل لاک ڈاؤن ؟ آج شام وزیر اعلیٰ ایڈی یورپا کی طرف سے اعلان ممکن

کرناٹک بھر میں کورونا وائرس کی بگڑتی  صورتحال کو قابو میں کرنے کیلئے ریاست میں نافذ 14 روزہ جنتا  کرفیو کے دوران کورونا وائرس کو قابو میں کرنے کی کوششوں میں متوقع کامیابی نہ مل پانے کی صورتحال کو دیکھتے ہوئے حکومت نے 12 ؍ مئی کے بعد بھی سخت  پابندیوں کو برقرار رکھنے کا اراداہ ...

بھٹکل میں کورونا معاملات میں اچانک اضافہ؛ آج ایک ہی دن 19کی رپورٹ پوزیٹیو؛ ایک خاتون کی موت؛اسپتال میں ویکسین کا اسٹاک ختم

  ملک بھر میں جس طرح کورونا کی دوسری لہر میں  حالات دگرگو ہورہے ہیں، بھٹکل میں  بھی  کورونا کے معاملات بڑھتے نظر  آرہے ہیں، جس سے عوام میں تشویش پائی جارہی ہے۔

یوپی میں پھر بڑھایا گیا لاک ڈاؤن، اب پیر کی صبح تک جاری رہیں گی پابندیاں

 ریاستی حکومت نے اتر پردیش میں جاری لاک ڈاؤن کی مدت میں توسیع کرنے کا اعلان کیا ہے، اب یہ لاک ڈاؤن 10 مئی کی صبح 7 بجے تک نافذ رہے گا۔ پہلے جمعرات یعنی 6 مئی کی صبح 7 بجے تک لاک ڈاؤن نافذ کیا گیا تھا، تاہم اب کورونا بحران کی بے قابو صورت حال کے پیش نظر اسے بڑھانے کا فیصلہ لیا گیا ...