بھٹکل میں دو بھائی الیکٹرک شاک کے بعد چھت سے گر گئے، دونوں کی موت

Source: S.O. News Service | By I.G. Bhatkali | Published on 25th March 2020, 11:01 PM | ساحلی خبریں | ان خبروں کو پڑھنا مت بھولئے |

بھٹکل 25/مارچ (ایس او نیوز) یہاں کار اسٹریٹ پر واقع ایک مکان کی چھت سے دو لڑکے نیچے گر کر جاں بحق ہوگئے، انا للہ و انا الیہ راجعون

انظف منیار بڑے ہونہار، سلیقہ مند، شریف النفس اور بڑے ہی دلچسپ طالب علم تھے۔ نویں جماعت میں داخل تھے۔ اساتذہ اور ٹیچرس کے منظور نظر تھے۔ درجہ کے تمام ساتھیوں کے چہیتے اور ہر دلعزیز تھے۔ 
انظف کی سب سے بڑی خصوصیت یہ تھی کہ جب بھی کسی سے ملتے خندہ پیشانی سے ملتے۔ کسی کو تکلیف دینا، ستانا، چٹکی لینا، مذاق اڑانا آج کل عام ہے، مگر انظف اس طرح کی بے ہودہ چیزوں سے دور بلکہ متنفر تھے۔
پڑھنے کے بے انتہا شوقین تھے۔ ایک استاد نے بتایا کہ چند دنوں میں کئی کئی کتابیں پڑھ لی تھیں۔  لگتا تھا یہ لڑکا ایک دن ترقی کے مدارج طے کر کے صرف والدین ہی نہیں بلکہ پوری قوم کا نام روشن کرے گا۔ لیکن اس کا رزق، اس کی سانسیں اور اس کی عمر اللہ کے حکم سے یہیں تک لکھی تھی۔    موت ہر شاہ و گدا، مردو عورت،  بوڑھے ، بچے اور جوان کو نگل لیتی ہے۔ وہ ظالم کہاں دیکھتی ہے کہ یہ لڑکا مستقبل میں قوم کا نام روشن کرنے والا ہے۔ مگر !!!

موت سے کس کو دستگاری ہے
آج وہ کل ہماری باری ہے

نونہال سینٹرل اسکول اپنے اس مایہ ناز طالب علم کو سلامی پیش کرتا ہے۔  ہم اسکول کے انتظامیہ، تمام اساتذہ، ٹیچرس اور طلباء طالبات دعا گو ہیں کہ اللہ ہمارے اس شاہین صفت طالب علم کو جنت الفردوس نصیب فرمائے۔ اس کے والدین اور اقارب کو صبر جمیل نصیب فرمائے۔۔۔ 

                نونہال سینٹرل اسکول بھٹکل

انتقال کرنے والوں کی شناخت  محمد فہد منیار (22) اور اس کا چھوٹا بھائی  محمد انظف منیار (13)کی حیثیت سے کی گئی ہے۔

فہد کے بھائی فہیم منیار نے بتایا کہ دونوں بھائی  کھیلتے کھیلتے اچانک فرسٹ فلور پر واقع مکان کی چھت (ٹیریس) پر چلے گئے تھے، جہاں سے نیچے گر گئے، فہیم کے مطابق  دونوں کو الیکٹرک شاک بھی لگا تھا۔

سمجھا جارہا ہے کہ دونوں بھائی اوپر چھت پر پہنچ کر نیچے سنسان روڈ کو دیکھ رہے تھے جہاں پولس والے گاڑیوں کو روک رہے تھے، اس دوران اچانک فہد ٹیریس کے کنارے سے گرنے لگا تو اُس نے ٹیریس سے لگے الیکٹرک کھمبے یا کیبل کر پکڑ لیا، الیکٹرک شاک لگتے ہی وہ نیچے گرنے لگا۔ غالباً بھائی کو نیچے گرتا دیکھ کر انظف نے اپنے بھائی کو پکڑنے کی کوشش کی جس کے نتیجے میں اُسے بھی الیکٹرک شاک لگ گیا اور دونوں نیچے گرپڑے۔

بتایا گیا ہے کہ فہد کی بھٹکل سرکاری اسپتال لے جانے تک موت واقع ہوگئی، جبکہ انظف کو نازک حالت میں بھٹکل سے فوری طور پر اُڈپی اسپتال لے جایا گیا، جہاں پہنچنے کےبعد اُس نے بھی دم توڑ دیا۔ اللہ دونوں کی مغفرت فرمائے اور گھروالوں کو صبر جمیل عطا فرمائے۔

بتایا گیا ہے کہ فہد کچھ سالوں سے وجے واڑہ میں ملازمت کرتا تھا، قریب دو ماہ قبل ہی وہ بھٹکل آیا تھا، واپس جانے والا تھا مگر کورونا کی ہوا چلنے کی وجہ سے نہیں جاسکا تھا۔ اس کے والد  قریب 30 سالوں سے  وجے واڑہ میں ملازمت کرتے ہیں۔ یہ لوگ کار اسٹریٹ میں واقع عمارت کے پہلے مالہ پر   کرائے کے فلیٹ میں  رہتے ہیں۔ محمد انظف کے تعلق سے معلوم ہوا ہے کہ وہ نونہال سینٹرل اسکول میں نویں کلاس میں پڑھ رہا تھا۔

ایک ساتھ دو لڑکوں کی موت واقع ہونے پر  گھر والے سخت صدمے میں ہیں۔ اللہ گھر والوں کو صبر دے۔

ایک نظر اس پر بھی

بھٹکل انجمن ڈگری کالج اینڈ پی جی سنٹر میں ’’یوم ِ دستور ‘‘ پروگرام کاانعقاد : ہر شہری کو دستور کا شعور لازمی ہے

ہمیں اپنے حقوق حاصل کرنے اور اپنے فرائض کو ادا کرنے کے لئے  دستور کا شعور ہونا ضروری ہے ۔ بھٹکل سرکاری  پی یو کالج کی پرنسپال ڈاکٹر بھاگیرتھی نے ان خیالات کااظہار کیا۔

سرسی کو علاحدہ ضلع بنانے کے متعلق اسپیکر کاگیری سے بات چیت کرونگا: ضلع نگراں کارو زیر شیورام ہیبار

ابھی تک اترکنڑا ضلع سالم و غیر منقسم ہے، جب کبھی ضلع کو تقسیم کرنا ہوتا ہے تو ضلع کے عوامی نمائندوں اور باشعور افراد کے ساتھ صلاح ومشورہ لازمی ہوجاتاہے۔ ودھان سبھا اسپیکر وشویشور کاگیری نے سرسی ضلع کی ضرورت کے متعلق جو بیان دیا ہے اس سلسلے میں ان سے  گفتگو کرتاہوں، اس کے بعد ...

چکمگلورو میں المناک حادثہ: تالاب میں تیرنے پہنچے پانچ افراد موت کا شکار۔ شادی کا گھر بن گیا ماتم کدہ؛ ایک کو بچانے کی کوشش میں چار غرق

چکمگلورو کے وستارگاؤں میں ایک المناک حادثہ پیش آیا جس میں ہیرے کیرے نامی    تالاب کے اندر تیرنے کے لئے گئے  ہوئے   پانچ افراد  ڈوبنے کی وجہ سے  بیک وقت موت کا شکارہوگئے ۔مہلوکین کی شناخت سندیپ، راگھویندرا، سدیپ، دلیپ اور دیپک کے طور پر کی گئی ہے۔

ارے بائیل گھاٹ پر کانکریٹ روڈ بنانے 52کروڑر وپئے کا منصوبہ مرکزی حکومت کو ارسال : شیورام ہیبار

ضلع نگراں کار وزیر شیورام ہیبار نے  ارے بائیل سے لے کر اڈگوندی تک کی 16کلومیٹر قومی شاہراہ 63کو مکمل طورپر کانکریٹ سڑک میں منتقل کرنے کے لئے خصوصی توجہ دیتے ہوئے  52کروڑر وپئے کا منصوبہ تشکیل دے کر منظوری کے لئے مرکزی حکومت کو بھیج دیا ہے۔

بھٹکل: ساحلی اضلاع کے مختلف مقامات پر کسان مخالف ترمیم شدہ قوانین کو فوراً واپس لینے کا مطالبہ لےکر ٹریڈیونینوں کا احتجاج

سینٹر آ ف انڈین ٹریڈ یونینس (سی آئی ٹی یو ) بھٹکل تعلقہ یونٹ  سمیت  ساحلی اضلاع کے کئی مقامات پرمختلف کسان اور مزدور سنگھ نے  تحصیلدار کے توسط سے وزیر اعظم نریندرا مودی کے نام ایک میمورنڈم دیا جس میں مانگ کی گئی ہے کہ حال ہی میں منظور کیے گئے  عوام ،مزدور اور کسان مخالف ترمیم ...

مرڈیشور ساحلی کنارے سےکشتیاں ہٹانے کا مسئلہ :سرکاری انتظامیہ اور ماہی گیر وں کے بیچ ہوگئی تیز تکرا ر۔ پیدا ہوگئے ہیں تصادم کے آثار

مشہور سیاحتی مرکز مرڈیشور کے ساحل پر ٹورازم کو فروغ دینے کے لئے ضلع انتظامیہ نے جو ترقیاتی منصوبہ بنایا ہے اس کے تحت کچھ تعمیراتی کام بھی کیے جارہے ہیں اور اسی کے ساتھ ساحلی کنارے پر چھوٹے چھوٹے دکانداروں کو جگہ فراہم کرنا طے پایا ہے۔ لیکن اس کے لئے ساحلی کنارے پر اپنی کشتیاں ...

سرسی کو علاحدہ ضلع بنانے کے متعلق اسپیکر کاگیری سے بات چیت کرونگا: ضلع نگراں کارو زیر شیورام ہیبار

ابھی تک اترکنڑا ضلع سالم و غیر منقسم ہے، جب کبھی ضلع کو تقسیم کرنا ہوتا ہے تو ضلع کے عوامی نمائندوں اور باشعور افراد کے ساتھ صلاح ومشورہ لازمی ہوجاتاہے۔ ودھان سبھا اسپیکر وشویشور کاگیری نے سرسی ضلع کی ضرورت کے متعلق جو بیان دیا ہے اس سلسلے میں ان سے  گفتگو کرتاہوں، اس کے بعد ...

ہریانہ میں 100 سے زائد کسان لیڈروں کی گرفتاری پر سی پی آئی ناراض

  کمیونسٹ پارٹی آف انڈیا (سی پی آئی) کے سینئر لیڈر اور اکھل بھارتیہ کسان سبھا کے جنرل سکریٹری اتل کمار انجان نے ہریانہ میں 100 سے زیادہ کسان لیڈروں کی گرفتاری کی سخت مذمت کرتے ہوئے بدھ کو کہا کہ مودی حکومت کل سے شروع ہو رہی کسانوں کی تحریک کو دبانے کے لئے جابرانہ پالیسی اختیار کر ...

’’بی جے پی میں ہمت ہے تو مجھے گرفتار کر کے دکھائے‘‘: ممتا بنرجی

مغربی بنگال کی وزیر اعلی ممتا بنرجی نے آج بی جے پی کو چیلنج کرتے ہوئے اگر بی جے پی میں ہمت ہے تو انہیں گرفتار کرکے دکھائیں۔ انہوں نے کہا کہ اس کے باوجود میں اگلے سال ہونے والے اسمبلی انتخابات میں کامیابی حاصل کی جائے گی۔ ممتابنرجی نے الزام عاید کیا کہ بی جے پی ترنمول کانگریس کے ...

فٹبال کے عظیم کھلاڑی ڈیاگو میراڈونا کا انتقال، دنیائے کھیل میں صف ماتم، ارجنٹائن میں قومی سوگ

 فٹبال کی دنیا میں راج کرنے والے ارجنٹائن کے سابق انٹرنیشنل پروفیشنل فٹبالر ڈیاگو میراڈونا انتقال کر گئے۔ میراڈونا کی گزشتہ دنوں دماغ کی کامیاب سرجری بھی ہوئی تھی جس کے بعد انہیں ڈسچارج کر دیا گیا تھا لیکن اب چند ہفتوں بعد حرکت قلب بند ہو جانے ان کا انتقال ہو گیا۔

دہلی میں کورونا: چار دنوں میں وصول کیا گیا 1.5 کروڑ روپے کا جرمانہ

ہندوستان کی راجدھانی دہلی میں کورونا انفیکشن کا اثر لگاتار بڑھ رہا ہے، اس کے باوجود لوگوں کی لاپروائی کم ہونے کا نام نہیں لے رہی ہے۔ کورونا پر قابو پانے کے لیے لوگوں کو ہدایت دی گئی ہے کہ وہ سوشل ڈسٹنسنگ پر عمل کریں اور ماسک کا استعمال کریں، لیکن کئی مقامات پر لوگوں کو بغیر ماسک ...