بھٹکل18 جنوری (ایس او نیوز) قدوائی روڈ کراس کے قریب نیشنل ہائی وے پر دو بائک کی ٹکر میں ایک بائک کی پچھلی سیٹ پر سوار ایک شخص شدید زخمی ہوگیا جسے بھٹکل سرکاری اسپتال میں ابتدائی طبی امداد کے بعد کنداپور شفٹ کیا گیا ہے۔
حادثہ اُس وقت پیش آیا جب گلمی روڈ سے ایک بائک ہائی وے کی طرف مُڑ رہی تھی کہ اچانک شمس الدین سرکل سے موگلی ہونڈا کی طرف جانے والی دوسری بائک اس سے ٹکراگئی۔ ٹکر لگتے ہی بائک کی پچھلی سیٹ پر سوار مادھونارائن نائک (55) شدید زخمی ہوگیا، اس کے ایک پیر کو شدید چوٹ لگی ہے۔ مادھونائک تلاند میں ایک پروگرام میں شریک ہونے کے بعد واپس اپنے گھر شرالی جارہا تھا۔ گلمی روڈ سے باہر ہائی وے پر گھوما ہی تھا کہ دوسری بائک نے ٹکر دے دی۔ حادثہ پیر دوپہر قریب تین بجے پیش آیا۔