بھٹکل کے قریب مرڈیشور میں دو بائکوں کی ٹکر؛ ایک ہلاک دوسرا شدید زخمی
بھٹکل یکم مئی (ایس او نیوز) یہاں سے قریب مرڈیشور میں دو بائکوں کے درمیان ہوئی ٹکر میں ایک بائک سوار کی موقع پر ہی موت واقع ہوگئی، جبکہ دوسرا بائک سوار شدید زخمی ہوگیا ۔
حادثہ بدھ کی رات قریب دس بجے مرڈیشور آر این ایس اسپتال کے سامنے نیشنل ہائی وے پر پیش آیا۔
مہلوک کی شناخت مرڈیشور کے بستی کے رہنے والے نارائن ناگپا نائک (47) کی حیثیت سے کی گئی ہے، جبکہ زخمی شخص کی شناخت مرڈیشور کے بائیلور کے رہنے والے جگدیش شریدھر شٹی (42) کی حیثیت سے کی گئی ہے۔ بتایا گیا ہے کہ دونوں بائک پر سوار تھے اور آمنے سامنے سے دونوں بائکوں کی ٹکر ہوئی۔
زخمی جگدیش کو فوری طور پر آر این ایس اسپتال میں ابتدائی طبی امداد دینے کے بعد نازک حالت میں منی پال روانہ کیا گیا ہے۔
مرڈیشور پولس تھانہ میں معاملہ درج کیا گیا ہے، چھان بین جاری ہے۔